Hans Bradtke
![]() |
Hans Bradtke (* 21. Juuli 1920 ön Berlin; † 12. Mai 1997 ön Berlin) wiar en dütsk Tekst-Techter, Teekner en Karikaturist.
En Skelt fo wü uk jit:
Ich danke sehr für ihr Gedicht
das freute mich echt riesig
und auch Papa -ich fass es nicht-
auf Wiki und in friesisch!
Gern suche ich ein Bild für Sie
ich muss nur etwas kramen.
jetzt noch ganz schnell zur Drogerie-
drum sag ich Tschüss und Amen.
(Sin Faamen, di ken uk riimi!)
Aarbers-Histoorii
[Bewerke | Kweltekst bewerke]Eeđer sin Abituur studiareti hi Architektuur bi di "Technische Hochschule in Berlin-Charlottenburg".
Hi wel man dach lefer fuar di Bleeren teekni, üs hi fan't Krichsgifengnis töbeek kemen wiar.
Diaarbi fing Hans Bradtke uk Aarberen, hur hi Titelbleeren fuar Nootenbokers maaki skul, en sa kām hi me Liren töhop, wat Musiik maaketi. Bal kām hi üp di Taacht en skriiv ain Teksti fuar Leedjis (Fan 1948 ön).
Pack' die Badehose ein
[Bewerke | Kweltekst bewerke]Fuar di Uurter fan dat Leedji Pack' die Badehose ein (1951) skel Bradtke bluat en kwart Stün brükt haa. Di Komponist Gerhard Froboess skref da en Melodii diartö, en sjungen uur dit fan sin Faamen Cornelia, wat soowen Jaaren ual wiar.
Dat Leedji uur da ön di 26. Juuni fan't Jaar 1951 iin ön en Sērk ön Weest-Berlin āpnomen, en diarbi sjoong uk di "Schöneberger Sängerknaben" (Sjungdreenger fan Dailkbarig) me.
Conny Froboess uur diarfan di jest "Kinderstar" ön Dütsklön.
Bradtkes Steken ön di Hitparaadi
[Bewerke | Kweltekst bewerke]Fuar Vico Torriani skref Bradtke tau Numer-jen-Hits, en dit wiar Siebenmal in der Woche[1]
(September 1957) en Kalkutta liegt am Ganges (Juuli 1960).
Fuar Bill Ramsey skref hi ön di Februwaari fan 1961 Pigalle (Uk en Numer-jen-Hit) en ön di August fan't salev Jaar Zuckerpuppe, wat üp di füfst Plaats fan di Dütsk Hitparaadi kām.
Uk ön di August fan 1961 skref hi Dütsk Uurter fuar en Leedji fan Greekenlön'. Di Noom fan des wiar San Sfirixis Tris Fores, en di Komponist wiar di Greek Manos Hadjidakis.
Fuar di Greeksk Wüfhaur Nana Mouskouri maaketi Hans Bradtke Weiße Rosen aus Athen diarfan. Uk des kām üp Plaats jen fan di Dütsk Hitparaadi, en di Plati uur aur en Miljoon maal forkoopet[2]. Nana Mouskouri kür uk Ich schau den weißen Wolken nach, (1962) aur di Maaten gur forkoopi.
Jens her Hans Bradtke en Leedji me di Noom Sommerwind skrewen, wat üp Dütsk fan Grethe Ingmann āpnomen uur.
Sommerwind uur fan Johnny Mercer ön't Jaar 1965 üp Engelsk Summer Wind aurset. Eeđer dat Frank Sinatra dat ön't Jaar 1966 üp Engelsk āpnomen her, uur dit aur di hiili Wārel bikeent en mal gur forkoopet.
Tammy, dat Faamen fan't Hüsbuat
[Bewerke | Kweltekst bewerke]Ön't Jaar 1967 uur Tammy (Hörst Du den Südwind, der flüstert Dir zu...) skrewen en fan di Sjungster Angela āpnomen.
Des Leedji uur da uk di Titelmusiik tö di Seerii Tammy, das Mädchen vom Hausboot ön di Fiirlukikast, hur Debbie Watson di Hauptrul her.[3]
Hans Bradtke en Söl'
[Bewerke | Kweltekst bewerke]Bradtke koopeti ön't Jen fan di sokstiger Jaaren tau mool di trērst Diil fan en Hüs ön Kairem, en di Familii heer dit jit.
Di Fiir tö sin 50. Gibuursdai wiar uk ön Kairem.
Leewent en Iaringen
[Bewerke | Kweltekst bewerke]![](http://upload.wikimedia.org/wikipedia/commons/thumb/4/4d/GER_Bundesverdienstkreuz_2_BVK.svg/200px-GER_Bundesverdienstkreuz_2_BVK.svg.png)
![](http://upload.wikimedia.org/wikipedia/commons/thumb/3/34/Leuchtturm_roter_sand.jpg/200px-Leuchtturm_roter_sand.jpg)
Masi Jaaren wiar Hans Bradtke Meföliger fan di Üppasireer[4] bi di GEMA. Fuaral ön forskelig Greemien diarfan en bit di GEMA-Sotsiaalkasi wiar hi mal ön diGang
1985 fing Bradtke di "Goldene Feder" fan di Dütsk Teksttechters-Foriining (Deutscher Textdichter-Verband), en sent 1970 wiar hi Iaren-Meföliger fan des Foriining.
Bradtke fing uk dat Bunds-Fortiinstkrüts fan di Bundspresident.
Üđer Iaringen wiar di "Gul-Stemgaafel"[5] en di di "Gul-Sjalplati"[6].
Bradtke diar man uk wat fuar di Füürtorn "Roter Sand", wat bi di Weeser liit. Des skul noch ofreten uur en Hans Bradtke uur fuar sin Aarber diartöögen tö en Iaren-Füürtornpaser maaket.
Hans Bradtke wiar aur 50 Jaaren, bit hentö sin Duar, me sin Wüf Renate bifriit. Jü her tau Jungen, wat salev lung wukset sen, en des haa töhop trii Jungen fingen.
Steken fan Bradtke
[Bewerke | Kweltekst bewerke]Des Leedjis jert tö di gurtest Hits fan Hans Bradtke:
- Crazy Boy
- Isabell
- Wunderland
- Pack' die Badehose ein
- Ach, Babett, backe Kuchen
- Bravo, bravo, beinah wie Caruso
- Für Gaby tu' ich alles
- Die Zeiger der Uhr
- Du spielst 'ne tolle Rolle
- Kalkutta liegt am Ganges
- Rote Lippen soll man küssen
- Gartenzwerg-Marsch
- Zuckerpuppe
- Pigalle, Pigalle, die große Mausefalle
- In Hamburg sind die Nächte lang
- Die Antwort weiß ganz allein der Wind
- Weiße Rosen aus Athen
- Hämmerchen-Polka
- Das bißchen Haushalt…sagt mein Mann
- Ohne Krimi geht die Mimi nie ins Bett
- Er hat ein knallrotes Gummiboot
- Tammy (Hörst du den Südwind, der flüstert dir zu)
- Der Sommerwind
- Rüdesheim liegt nicht an der Themse
- Eviva Espana
- Kalle mit der Kelle
- An der Ecke steht ein Schneemann
- So eine Liebe gibt es einmal nur
Luki uk diar
[Bewerke | Kweltekst bewerke]- Di "Sinatra-Family" aur di "Somerwinj" (Me Skeltern fan Hans Bradtke en Grethe Ingmann)
- Titel von Bradtke bei hitparade.ch
- En Blog aur Hans Bradtke me Teekningen fan höm.
- ↑ "Siebenmal in der Woche" üp Youtube
- ↑ Joseph Murrells, Million Selling Records, 1985, S. 155
- ↑ Dat "Tammy"-Leedji üp Youtube
- ↑ Aufsichtsrat
- ↑ Goldene Stimmgabel
- ↑ Goldene Schallplatte