Antiquitât

L'Antiquitât (du latin antiquus signifiant « de devant, ancian ») est una època de l'Histouère. Classicament, el côvre la pèrioda alent de l'envencion de l'ècritura vers 3300-3200 dev. JC tant qu'a la chête de l'Empiro romen du Cuchient en 476, et côvre l'Eropa, l'Asia occidentâla et lo Nord de l'Africa.

O est per lo dèvelopament ou l'adopcion de l'ècritura que l'Antiquitât succède a la Prèhistouère. Cèrtênes civilisacions de cetes pèriodes avant pas d'ècritura, mas sont mencionâyes dens los ècrits d'ôtres civilisacions : on los place dens la Protohistouère. Lo passâjo de la Prèhistouère a l'Antiquitât s'est donc fêt a difèrentes pèriodes por los difèrents poplos.

De la méma façon, dens l'historiografia occidentâla, l'Antiquitât prècède lo Moyen-Âjo que prècède lui-mémo l'Època modèrna. Ceta pèriodisacion est pas forciêment adaptâye fôr lo mondo occidentâl et volêr l'aplicar a tot prix at pas grant sens.