Esparta
![](http://upload.wikimedia.org/wikipedia/commons/thumb/5/5c/Ancient_sparta_theater.jpg/300px-Ancient_sparta_theater.jpg)
Esparta (en griegu: Σπάρτη) tamien conocia comu Lacedemonia (Λακεδαιμων) hue una polis (ciá-estau) de l'antígua Grécia, assitiá ena Península del Peloponesu, en vera el riu Euriotas. Hue la capital de Laconia i una de las polis mas emportantis de Grécia juntu con Atenas i Tebas.
Hue famosa por el su mó de via, con una socieá mu melitarizada, que se conviltió en un modelo pa albondu autoris qu'esaltarun los valoris espartanus. Esta socieá se deviia en deferentis crassis, los espartiatas qu'eran los consideraus ciadanus, namás estus tinian derechus políticus. Eran amás los poseoris de la tierra, tinian el pudel melital i estaban sometius a una educación mu dura. Los periecos que se dedicaban prencipalmenti al comerciu i la artesania, i los ilotas, qu'eran descendientis de los pueblus sometius por Esparta i qu'eran propieá del estau.
La ciá hue abaldoná a finalis de la Eá Antígua, peru hue rehundá en 1848 por el rei de Grécia Oton I nel mesmu lugal ondi s'assitió la Esparta crássica. Ogañu es la capital de la Prefactura de Laconia i en 2001 contaba con 19.567 abitantis.