Wikipedia, Entziklopedia askea
Rafael Gómez Jauregi (Errenteria, 1903 - ibidem. 1977ko maiatzaren 12a) Gipuzkoako politikaria izan zen. EAE-ANV alderdiko kidea zen eta hautagai izan zen 1933. urteko hauteskundeetan. Gipuzkoako ELAko lehendakari hautatu zuten urte berean, Graciano Ormaetxearekin batera. Gerra Zibila amaitutakoan aliatuen aldeko informazio sare batean jardun zuen, polizia frankistak atxilotu eta hiltzera kondenatu zuen arte. Ez zuten hil, eta kartzelan eduki zuten 1946. urtera arte. 1947an, Francoren diktaduraren garaiko lehen greba politikoan parte hartu zuen, eta Lapurdira joan behar izan zuen ondoren. 1968. urtean itzuli zen Gipuzkoara. Errenterian hil zuen 1977ko maiatzean Espainiako poliziak, amnistiaren aldeko manifestazio batean.
Gipuzkoa, Euskal Herria
Eusko Abertzale Ekintza
Datuak: Q12266421