Passau

Passau
	unibertsitate-hiria
	Irudi gehiago
Administrazioa
Estatu burujabe	Alemania
Alemaniako estatua	Bavaria
Regional district in Bavaria	Bavaria Beherea
Alkatea	Jürgen Dupper
Posta kodea	94032, 94034, 94036 eta 94001
Udalerri kodea	09262000
Geografia
Koordenatuak	48°34′29″N 13°27′40″E / 48.5748229°N 13.4609744°E
Azalera	69,56 km²
Altuera	312 m
Mugakideak	Salzweg, Thyrnau, Vilshofen an der Donau, Fürstenzell, Neuburg am Inn, Freinberg (en) , Schardenberg (en) , Tiefenbach, Passau (en) eta Windorf
Demografia
Biztanleria	53.907 (2022ko abenduaren 31); 814 (2021)
	<div style="display: inline-block; position: relative; width: 200px;" title="Adierazpen errorea: Ustekabeko < eragilea%"> <td style="background: #ea596e; height: 6px; width: Adierazpen errorea: Ustekabeko < eragileapx;"> <td style="background: #55acee; height: 6px; width: Adierazpen errorea: Ustekabeko < eragileapx;">
Dentsitatea	775 bizt/km²
Informazio gehigarria
Telefono aurrizkia	0851
Hiri senidetuak	Montecchio Maggiore, Colonia Tovar (en) , Málaga, Hackensack, Dumfries, Cagnes-sur-Mer, Krems an der Donau, Akita, České Budějovice, Liuzhou, Veszprém, Faro, Scurcola Marsicana eta Eferding (en)
Matrikula	PA
	passau.de

Passau (aurretik latinez Batavis edo Batavia) Alemaniako Bavaria estatu federaleko hiria da, Bavaria Behereko bigarren hiria hain zuen ere.

Etimologia

Passau izena Batavis kolonia erromatarraren aldaera da. Batavis aldi berean bertan bizi ziren Batavi germaniarren omenez ipinitako izan da.

Geografia

Hiru ibaien hiria izenaz ezagutzen da, Danubio, Inn eta Ilz ibaiek bat egiten baitute bertan. Danubio eta Enok osatzen duten penintsulan kokatzen da hiriaren alde zaharra.

Historia

La Tène kulturako herrixka zelta bat izan zen bertan erromatarrak iritsi aurretik. Hauek Retia probintzian Batavis kolonia sortu zuen, hiru ibaien elkargunea toki estrategikoa zela iritzita. 476an erromatarrek lur hauek utzi egin zituzten.

739an apezpikutza eskuratu zuen, urteetan zehar Germaniako Erromatar Inperio Santuko zabalena izan zena, eta Frederiko I.a Bizargorriak Niedernburgeko Konbentua eraiki zuen bertan XII mendean. 1225ean hiri aske bihrutu zen Passau.

XI mendetim aurrera Passau famatu bihurtu zuen bertan egiten ziren ezpaten kalitateak. Armarriko otsoaren irudia grabatzen zuten eta mitikoa bihurtu zen Passauko otsoa. Ipar Renania-Westfaliako Solingen hiriak ere kalitatezko armak egiten zituen eta azkenean Passauko otsoa ezarri behar izan zuen bere ezpatetan.

Sute batek hiria suntsitu zuen 1662an. Italiatik arkitektoak ekarri ziren hiria berreraikitzeko eta honen ondorioz eraikin barrokoetan kutsu mediterranearra nabari zaio hiriari. Ibaiek ere sarritan uholdeak sortu izan dituzte, larriena 1954ean.

Adolf Hitler eta bere familia bertan bizi izan ziren 1892 eta 1894 artean. 1920ko hamarkadan gutxienez lau hitzaldi eman zituen bertan eta Bigarren Mundu Gerraren garaian Mauthausen-Gusen kontzentrazio-esparruaren hiru azpiesparru izan ziren bertan.

Ondasun nabarmenak

San Esteban katedrala (Dom St. Stephan): 1688an eraikitako eliza katoliko barrokoa.
Veste Oberhaus: Apezpikuaren gotorlekua, 1219an eraikia Danubio eta Ilz ibaiek bat egiten duten tokian.