Pahlavi
Appearance
![](http://upload.wikimedia.org/wikipedia/commons/thumb/9/99/Taq-e_Bostan_-_Pahlavi_writing.jpg/220px-Taq-e_Bostan_-_Pahlavi_writing.jpg)
Pahlavi edo pehlevi persiarrek K.a. II. mendetik Islama nagusitu zen arte (VII. mendea) erabili zuten alfabeto-mota da.
Pahlavi aramear alfabetoan oinarrituta zegoen, eta hiru molde nagusi izan zituen. Eskuinetik ezkerrera idazten zen, eta, 19-20 letra erabili bazituzten ere, berrogeita hamar letra molde berezi agertzen dira Avesta edo zoroastrismoaren erlijio-liburuetan. Zenbaitetan, jatorrizko forma aramearra gorde zuten pahlavi-idazleek adiera bereko baina hots desberdineko hitzak idazterakoan. Adibidez, arameerazko m-l-k (malka «errege») idazten zuten persierazko sha («errege») adierazteko. Ideograma moduko idazketa-forma horiek zirela eta, guztiz zaila bihurtu zitzaien arrotzei pahlavi-testuak ulertzea.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.