Northrop Frye

Northrop Frye
	; Irudi gehiago
Bizitza
Jaiotza	Sherbrooke, 1912ko uztailaren 14a
Herrialdea	Kanada
Heriotza	Toronto, 1991ko urtarrilaren 23a (78 urte)
Hobiratze lekua	Mount Pleasant Cemetery (en)
Hezkuntza
Heziketa	Torontoko Unibertsitatea ; Merton College (en)
Hizkuntzak	ingelesa
Jarduerak
Jarduerak	idazlea, filosofoa, pedagogoa, klerikoa, poeta eta literatura-kritikaria
Enplegatzailea(k)	Harvard Unibertsitatea ; Torontoko Unibertsitatea
Lan nabarmenak	ikusi Fearful Symmetry (en) ; Anatomy of Criticism (en) ;
Jasotako sariak	ikusi John Simon Guggenheim Memorial Foundation beka (1950) ; Molson Prize (1970) ; Companion of the Order of Canada ; Pierre Chauveau Medal (1970) ; Fellow of the Royal Society of Canada ;
Kidetza	Royal Society of Canada (en) ; Arteen eta Zientzien Ameriketako Estatu Batuetako Akademia

Northrop Frye (Sherbrooke, Quebec, 1912ko uztailaren 14a - Toronto, Ontario, 1991ko urtarrilaren 23a) kanadar hezitzaile eta literatura-kritikaria izan zen.

Biografia

Torontoko Unibertsitatean, hiri hartako Emmanuel Collegen eta Oxfordeko Merton Collegen egin zituen ikasketak. Teologia-ikasketak egin zituen eta apaiz ordenatu zen 1936. urtean. Irakasle izan zen Victoria Collegen 1939. urteaz gero, eta bertako zuzendari izendatu zuten 1959an. Lan ugari argitaratu izanaz gainera, (1947an "Simetria izugarria", William Blakeren sinbolismoari buruzko ikerketa, eman zuen argitara), garrantzi handiko lana bete zuen Canadian Forumen argitaratzaile gisa (1948-1954) eta University of Toronto Quarterlyko poesia-kritiken idazle gisa (1951-1960). Fryek hainbat gai desberdin aztertu zituen bere idazlanetan (Biblia, Blake, T. S. Eliot, ingeles erromantizismoa, John Milton eta William Shakespeare), pentsamolde garbia erakutsiz eta estilo xumean betiere.

Kritika arketipikoaren sortzaile eta estrukturalismoaren aitzindari izan zen, eta Anatomy of Criticism (1957, "Kritikaren anatomia") obran bildu zituen ekarpen horiek. Bere obran genero literarioen arketipoak eta irakurlearen irudimenaren oinarrian biltzen diren arketipo kulturalak alderatu zituen. Kritika literarioari dagokionez, berriz, gizarte bizitzaren osagaitzat hartzen zuen zaletasun intelektual bezala baino gehiago.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q354256
Multimedia: Northrop Frye / Q354256