Mongo Beti

Mongo Beti
Bizitza
Jaiotzako izen-deiturak	Alexandre Biyidi Awala
Jaiotza	Mbalmayo (en) , 1932ko ekainaren 30a
Herrialdea	Kamerun ; Frantzia
Heriotza	Duala eta Boli Kosta, 2001eko urriaren 8a (69 urte) (69 urte)
Familia
Ezkontidea(k)	Odile Tobner (en)
Hezkuntza
Heziketa	Pierre-Corneille lizeoa ; Aix-Marseille University (1896-1971) (en) ; Aix-Marseillako Unibertsitatea
Hizkuntzak	frantsesa
Jarduerak
Jarduerak	idazlea, kazetaria, irakaslea eta liburu-saltzailea
Enplegatzailea(k)	Pierre-Corneille lizeoa
Jasotako sariak	ikusi Prix Sainte-Beuve (1958) ;
Izengoitia(k)	Eza Boto eta Mongo Beti

Mongo Beti (Mbalmayo, Kamerun, 1932ko ekainaren 30a - Douala, Kamerun, 2001eko urriaren 8a) frantsesez idatzi zuen idazle kamerundarra izan zen.

Biografia

Letra Klasikoetako irakasle izan zen Erruanen. Lehenengo eleberria 1954an idatzi zuen, Ville cruelle ("Bizitza krudela"), Eza Boto ezizenarekin. Ondoren idatzi zituen Le Pauvre Christ de Bomba (1956, "Bombako Kristo gaixoa") eta Mission terminée (1957, "Eginkizun amaitua"). Lan horietan, kolonizazioaren gehiegikeriak salatu zituen. La Ruine presque cocasse d'un polichinelle (1979, "Politxinela baten hondamendi ia barregarria") satiraren ondoren, Les Deux Mères de Guillaume Ismaël Dzewatama (1983, "Guillaume Ismaël Dzewatamaren bi amak") lanarekin nabarmen utzi zuen kultura frantsesaren eta afrikarraren artean bizi den afrikarraren drama. La Revanche de Guillaume Ismaël Dzewatama (1984, "Guillaume Ismaël Dzewatamaren mendekua") lanean, Afrikako arazo politikoak aztertzen ditu. Arazo horiek, bestalde, bi saiakera-lanen oinarri izan dira: Lettre ouverte aux Camerounais (1986, "Gutun irekia kamerundarrei") eta La France contre l'Afrique, retour au Cameroun (1993, "Frantzia Afrikaren kontra, Kamerunera itzulera"). Horretaz gainera, Dictionnaire de la négritude (1989, "Beltzen hiztegia"), L’Histoire du fou (1994, "Eroaren istorioa"), Trop de soleil tue l’amour (1999, "Gehiegizko beroak hil egiten du maitasuna") eta Africains si vous parliez (2005, "Afrikarrak, hitz egigno bazenute") lanak argitaratu zituen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q248047