Jean-Michel Aphatie

Jean-Michel Aphatie
	; (2019) Irudi gehiago
Bizitza
Jaiotza	Mitikile-Larrori-Mendibile, 1958ko irailaren 8a (66 urte)
Herrialdea	Zuberoa
Hezkuntza
Heziketa	Bordeaux-Aquitaine journalism institute (en)
Hizkuntzak	frantsesa
Jarduerak
Jarduerak	kazetaria eta irrati-esataria
Enplegatzailea(k)	France Info (en) ; Aujourd'hui en France ; Europe 1 (en) ; RTL (en) ; Le Monde
Jasotako sariak	ikusi [[]] ;

Jean-Michel Aphatie^[1] (Mitikile-Larrori-Mendibile, Zuberoa, 1958ko irailaren 8a) kazetaria da. 2003tik batez ere RTL irratian lan egiten du; hor Frantzian gehien entzuten den eguneroko elkarrizketa politikoa egiten du.^[2] 2006ko irailetik Canal+ telebistako Le Grand Journal saioan ere kronika politikoa lantzen du.

Biografia

Zuberoan jaioa, hamalau urterekin eskola utzi eta hamar urtez tabernetan lanean eta autoak saltzen lanean ibili zen. Ikasteari berrekin eta baxoa 24 urterekin atera zuen.^[3] Geroago Bordele-Akitaniako Kazetaritza Institutuan kazetaritza eta Pauen Zuzenbide Publikoa ikasi zituen.^[4]

1981ean berak bozkarik eman ez bazuen ere, François Mitterrandek 1981ko Frantziako Hauteskunde Presidentzialak irabazi zituenean kazetaritza politikoaz interesa piztu zitzaion.^[5] 1988tik 1989ra Politis astekarian lan egin zuen. Libération eta Journal du dimanche egunkarietan kolaboratzen hasi zen eta 1992an Le Parisien egunkarian. 1996tik 1998ra L'Express astekarian egon eta gero, Le Monde egunkarian 10 hilabete eman zuen.

1999an irrati mundura jo zuen eta France Interren kazetaritza politikoan hasi zen. 2003an Jean-Luc Hees irratiko zuzendariak politika atalaren ardura hartzea eskaini zion baina Aphatiek goizeko editoriala ere aurkeztu nahi zuenez RTL irratira pasatu zen; L'invité de RTL astelehenetik ostiralera goizean egiten den elkarrizketa politikoa da. 2005eko irailetik Ruth Elkrief ordezkatu zuen Le Grand Jury igandeko elkarrizketan (hasieran RTL-Le Monde-LCIn eta 2006ko irailetik RTL-le Figaro-LCIn).

Aldi berean, 2004ko urtarriletik 2006ko ekainean bertan behera geratu zen arte Marc-Olivier Fogielen On ne peut pas plaire à tout le monde France 3ko saioan parte hartu zuen. 2006ko irailetik Canal+en Le Grand Journal saioan kronika politikoa egiten du. 2008ko irailean Le Grand Journal saioan eta RTLn segitzen zuen bitartean azken honetan Politika arloko burua eta erredakzioko zuzendariondokoa bilakatu zen.^[6] 2010eko urtarriletik RTLn astero Le face à face Aphatie-Duhamel egiten du Alain Duhamelekin.^[7]

1982tik 1986ra Alderdi Sozialistako kidea izan zen. 2008ko martxoan, ordea, Maastrichteko Itunari buruzko erreferendumean izan ezik 1988tik beti zuriz bozkatu duela adierazi zuen,^[8] eta 2009ko otsailean hauxe esan zuen: «Ezkerrekoa izan naiz eta ez naiz inoiz eskuinekoa izan».^[9]

2008ko urrian Arlette Chabotekin batera Roland Dorgelès Saria lortu zuen; sari hau frantsesaren zabalpena bultzatzen duten kazetariei ematen zaie. Kultura Ministerioak ematen du.
2011ko azaroan elkarrizketagile onenari ematen zaion Philippe-Caloni Saria erdietsi zuen.^[10]

Jean-Michel Aphatie: Liberté, égalité, réalité, Éditions Stock, Paris, 2006. ISBN 2-234-05977-1

Wikimedia Commonsen badira fitxategi gehiago, gai hau dutenak: Jean-Michel Aphatie