Ignacio Bauer

Ignacio Bauer
	; Irudi gehiago
Bizitza
Jaiotza	Pest (hiria), 1827ko uztailaren 4a
Herrialdea	Austriar Inperioa ; Espainia
Heriotza	Madril, 1895eko maiatzaren 30a (67 urte)
Hobiratze lekua	Père Lachaise hilerria
Familia
Aita	Moriz Bauer
Ama	Franziska Bauer
Seme-alabak	ikusi Gustavo Bauer Morpurgo (en) ;
Haurrideak	ikusi Theodor Bauer (en) ; Bernard Bauer (en) ;
Familia	ikusi Maurice-Henri Weil (en) (iloba); Armand Rosenthal (en) (iloba); Giuseppe de Morpurgo (en) (aitaginarreba);
Hezkuntza
Hizkuntzak	gaztelania
Jarduerak
Jarduerak	ekintzailea eta bankaria
Sinesmenak eta ideologia
Erlijioa	judaismoa

Ignacio Bauer (1828 – 1895) Espainian aritu zen banku agente bat izan zen, Hungarian jaioa eta judu jatorrikoa. Isabel II eta Alfontso XII.aren erregealdiko Espainiako transakzio ekonomiko handietan, oso aktiboa eta erabakigarria izan zen Rothschild familiaren agente lanetan, bereziki Almadengo merkurio harrobiari eta burdinbide sarerari buruz.

Bizitza

Hungarian jaio zen 1828an, baina Triestreko Morpurgo familiarekin hazi zen; Moritz Goldschmidten iloba zen. Ignacio Bauer gaztetik hasi zen Rothschild familiaren enplegatu lanean eta, 1848ko ekainean, Madrilgo egoitzara aukeratu zuten, langile bereziki trebea zela eta. Heldu eta berehala, etxeko ardura nagusi guztiak hartu zituen bere gain.^[1] Ida Morpurgoekin ezkondu zen, Triestreko Rothschild Etxeko agentearen alabarekin, dirudienez James Mayer de Rothschildek hala prestatuta. Bauerrek, geroago, eraikin bat erosi zuen Madrilen familiaren egoitza izateko; Palacio Bauer deitzen zaio egun.

Madrilgo egoitzako agentea

1851ean, Erromako Rothschild Etxearen arduradun nagusia izan zen, baina 1853-1854an Madrilen zen berriz eta, 1855ean, Daniel Weisweiller itzuli zenean, bien arteko elkartea formalizatu zuten: Weisweiller & Bauer Cía. 1856ko urtarrilean, Crédito Mobiliariori itzala egingo zion inbertsioen sozietate bat sortzeko agindua jaso zuen James Rothschildengandik, eta Weissweiller eta biok Madrilgo finantza-gizon ugari aurkitu zituzten bi asteko epean Sociedad Española Mercantil e Industrial (SEMI) sortzeko; bertako batzordekide ere izan zen aurrerantzean.^[2]

1856ko uztailean, Bauer-ek James Rothschildi adierazi zion O'Donnelen estatu kolpeak oparotasun ekonomikoa ekarriko zuela eta, hurrengo urteetan, Bauer eta bere elkartea buru-belarri murgildu ziren burdinbidearen negozioan, gutxienez 1860 arte.^[3] Burdinbideen negozioan MZA sortu eta sustatu zuen, eta gobernuarekin negoziatu, hura Espainian beste konpainien aurretik bultzatzeko; hain zuzen, 30 urtez, bertako kontseilari ordezkaria izan zen.

Erreferentziak

↑ López-Morell, Miguel A. (2015), 144. or.
↑ López-Morell, Miguel A. (2015), 143-145, 153. or.
↑ López-Morell, Miguel A. (2015), 161-162. or.

Bibliografia

López-Morell, Miguel A.. (2015). Rothschild. Una historia de poder e influencia en España. Madrid: Marcial Pons, Ediciones de Historia, S.A. ISBN 978-84-15963--59-2..

Ikus, gainera

Datuak: Q1657234
Multimedia: Ignacio Bauer / Q1657234

[1] López-Morell, Miguel A. (2015), 144. or.

[2] López-Morell, Miguel A. (2015), 143-145, 153. or.

[3] López-Morell, Miguel A. (2015), 161-162. or.

[1]

[2]

[3]