Hulun lakua

Lakuaren ondoan dagoen lorategi baten ikuspegia.

Hulun lakua askotan Dalai nuur ere deitua, (txineraz: 呼倫湖; pinyineraz: Hūlún Hú; mongolieraz: Hulun Nur edo Далай нуур), Txinako Herri Errepublikako Barne Mongolia eskualde autonomoan dagoen lakua da.

Ezaugarriak

Txinako bost lakurik handienen artean dago, eta 2.339 kilometro koadroko azalera dauka. Barne Mongoliako iparraldeko muturrean dago, Mongolia eta Errusiako mugatik gertu. Lakuaren inguruko biztanleak, arrantzatik bizi dira, eta urtean batez beste 7.000 tona arrain arrantzatzen dira bertan.

Horrez gain, uda garaian milaka turistek bisita egiten dute, eta turismoari begira eraikitako hainbat azpiegitura daude. Lakutik hurbilen dagoen hiririk garrantzitsuena Manzhouli da.