Gilbert Baker
Gilbert Baker | |
---|---|
![]() (2012) | |
Bizitza | |
Jaiotza | Chanute, 1951ko ekainaren 2a |
Herrialdea | ![]() |
Heriotza | New York, 2017ko martxoaren 31 (65 urte) |
Heriotza modua | : arteria koronarioetako gaixotasuna |
Hezkuntza | |
Heziketa | Parsons Senior High School (en) ![]() |
Hizkuntzak | ingelesa |
Jarduerak | |
Jarduerak | artista, LGBT ekintzailea eta diseinatzailea |
Lan nabarmenak | ikusi
|
Sinesmenak eta ideologia | |
Alderdi politikoa | ![]() |
gilbertbaker.com | |
![]() ![]() ![]() ![]() |
Gilbert Baker (Chanute, Kansas, AEB, 1951ko ekainaren 2 – New York hiria, AEB, 2017ko martxoaren 31)[1] artista eta eskubide zibileen aldeko ekintzailea izan zen. 1978an, askatasunaren bandera eta ortzadarraren bandera izenez ezagutuko zen LGBT bandera diseinatu zuen.
Biografia
[aldatu | aldatu iturburu kodea]Gilbert Baker Kansas estatuan jaio zen. Ameriketako Estatu Batuetako armadan egon zen, 1970tik 1972ra. San Frantziskora destinatu zuten, justu gay askapen mugimenduaren garaian. Ohorez lizentziatua, gerraren aurkako eta gay pertsonen eskubideen aldeko pankartak diseinatzen eta egiten hasi zen. Urte haietan Harvey Milk ekintzatzaile eta politikaria ezagutu zuen.
1979an San Frantziskoko Paramount Flag Companyn hasi zen lanean. Geroztik herrialde desberdinetako politikarientzako publizitate-taulak diseinatu zituen: Txinako lehen ministrorako, Frantziako presidentearentzako, esaterako. Alderdi politikoentzako lanak ere prestatu zituen, adibidez, Demokrata Alderdirako. Ekintzaile bezala LGBT mugimendurako lanak ere prestatu zituen.
1994an Baker New Yorken kokatu zen eta hantxe, aktibismo baztertu gabe, bere sormena-lanarekin jarraitu zuen aurrera. Urte horretan, esaterako, Stonewalleko gatazken hogeita bosgarren urtea gogorarazteko munduko bandera handiena sortu zuen.[2]
2003an, LGBT banderaren 25. urteurrena gogoratzeko, Bakerrek bi kilometroko ortzadarraren bandera egin zuen; bandera hori Cayo Huesotik Mexikoko golkoan, Atalntiko Ozeanora zindoan. Ospakizunak bukatuez gero, zatiak munduko ehun hiri baino gehiagoetara bidali zituen.
Bere New Yorkeko etxean hil zen, lotan zegoen bitartean, 65 urte zituelarik.
Bandera
[aldatu | aldatu iturburu kodea]![](http://upload.wikimedia.org/wikipedia/commons/thumb/6/6d/Rainbow_flag_and_blue_skies.jpg/220px-Rainbow_flag_and_blue_skies.jpg)
Bandera honen koloreek LGBT mugimenduaren dibertsitatea adierazten du. Lehenengo Ortzadarraren bandera 1978ko ekainaren 25ean, San Francisco Pride ospakizunean erakutsi zen; orduan zortzi kolore zituen.
Arrosa | Sexua | |
Gorria | Bizitza | |
Laranja | Osasuna | |
Horia | Eguzkiaren argia | |
Berdea | Izadia | |
Turkesa | Artea | |
Urdina | Harmonia | |
Bioleta | Espiritua |
Erreferentziak
[aldatu | aldatu iturburu kodea]- ↑ Under the Rainbow: Oral Histories of Gay, Lesbian, Bisexual, Transgender, Intersex and Queer People in Kansas. Kuscholarworks.ku.edu.
- ↑ https://web.archive.org/web/20170702235356/http://gilbertbaker.com/GILBERT_BAKER_ORIGINAL_COLORS/BIO.html Gilbert Baker biography
Kanpo loturak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Gilbert Baker ![]() |