Gianni Rodari

Gianni Rodari
	; Irudi gehiago
Bizitza
Jaiotzako izen-deiturak	Giovanni Francesco Rodari
Jaiotza	Omegna, 1920ko urriaren 23a
Herrialdea	Italiako Errepublika Soziala ; Italiako Erresuma ; Italia (1946ko ekainaren 18a - 1980ko apirilaren 14a)
Lehen hizkuntza	italiera
Heriotza	Erroma, 1980ko apirilaren 14a (59 urte)
Hobiratze lekua	Udako hilerria
Heriotza modua	: bihotz-gutxiegitasuna
Hezkuntza
Heziketa	Università Cattolica del Sacro Cuore (en)
Hizkuntzak	italiera
Jarduerak
Jarduerak	idazlea, pedagogoa, kazetaria, gidoilaria, poeta, hezitzailea, kanta-idazlea, idazlea eta haur literaturaren idazlea
Lan nabarmenak	ikusi Gelsomino in the Country of Liars (en) ; Le avventure di Cipollino; Q3822469 ; Q3774269 ; The Cake in the Sky (en) ;
Jasotako sariak	ikusi Hans Christian Andersen sariak (1970) ; Premio Letteratura Ragazzi di Cento (2021) ;
Genero artistikoa	haur literatura
Sinesmenak eta ideologia
Erlijioa	ateismoa
Alderdi politikoa	Communist Party of Italy (en)
	giannirodari.it

Gianni Rodari (Omegna, Piamonte, 1920ko urriaren 23a - Erroma, Italia, 1980ko apirilaren 14a) italiera idazlea izan zen. Irakasle, kazetari, pedagogo eta abar izan zen, eta 1950. urte inguruan hasi zen literaturan. Rodarik berak zioenez, Maggiore aintziraren inguruan haurren irakasle jardun zuen garaian berak asmaturiko kontakizunak esaten zizkien haurrei, errealitatearekin batere loturarik gabeko kontakizunak, eta askotan surrealismoak darabiltzan teknika berberei jarraituz osatuak. Horrela, Rodarik "haurrentzako kontakizunen asmatzaile" deitura eman zion bere buruari, eta bere obra askotan (Zer gertatuko da aitona katu bihurtzen bada?, 1969; Istorioen nahas-mahasa, 1971: Jolas egiteko ipuinak; 1971: Barre egiteko istorioak, 1971) kontakizun berriak asmatzeko modua iradokitzen die aldi berean irakurleei, betiere irudimena eta hura kitzikatzeko teknikak erabiliz, eta orobat proposatzen die kontakizun horiek haurren hizkuntza heziketarako tresna moduan erabiltzea. Bere karreran zehar hogei liburutik gora idatzi zituen, umore finez eta irudimen zorrotzez hornituak, ironia handikoak. Aipatzekoak dira, besteak beste, Telefonozko ipuinak (1961), Tarta balioetsia (1966), Gondola fantasma (1978) edota Midas erregearen istorioa (1983). 1970. urtean haur literaturako Nobeltzat hartua den Hans Christian Andersen saria eman zioten.

Euskaratutako liburuak

Jolas egiteko ipuinak ("Tante Storie Per Giocare"). Itzultzailea: Joxean Ormazabal, Elkar, 1985.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q193018
Multimedia: Gianni Rodari / Q193018