Fatoumata Coulibaly
| Fatoumata Coulibaly | |
|---|---|
 (2017) | |
| Bizitza | |
| Jaiotza | Bamako, 1950(e)ko hamarkada (64/74 urte) |
| Herrialdea |  Mali |
| Hezkuntza | |
| Hizkuntzak | frantsesa Banbara hizkuntza |
| Jarduerak | |
| Jarduerak | aktorea, film-zuzendaria, aktibista eta kazetaria |
  | |
Somé Fatoumata Coulibaly (Bamako, Mali, 1950eko hamarkadaren amaieran) aktorea, zinema-zuzendaria, kazetaria eta Maliko emakumeen genitalen mutilazioaren aurkako aktibista da.[1]
Biografia
[aldatu | aldatu iturburu kodea]Fatoumataren familian hainbat belaunalditako artista- musikariak daude. Bere amona, Bazéko Traoré, jai kulturaletan aritzen zen abeslaria zen, Sikasso eskualdean oso ezaguna.[2]
Ibilbidea
[aldatu | aldatu iturburu kodea]Bigarren hezkuntza egin ondoren, daktilografia eta kontabilitatea ikasi zituen, eta Parisko UNECOk prentsa arduradunak prestatzeko korrespondentziaz emandako ikastaro bat egin ondoren, beka bat lortu zuen Parisen informatika ikasteko, bere aita militarraren laguntzarekin. 1978an Malira itzuli zen Air Malin edo irrati nazionalean lan egiteko.[1] Baba Diarrak, Plangintza ministro zen garaian, Radio Malin programa-zuzendaritzako idazkari-postua lortzen lagundu zion, 23 urte zituenean.
Bi urte geroago, aurkezle gisa proba bat egin zuen, eta Ménage en musique bezalako programetan hasi zen trebatzen. Landa-eremuko gizarte-gaiei buruzko erreportajeak egitera ere joan zen, Sahel verde programarako, eta, handik hilabete gutxira, entzule gehien zituen eguneroko programa baten zuzendaritza hartu zuen.[1][3]
1983an, Maliko telebista jaio zenean, aurkezle gisa hasi zen lanean, Amy Sow-ekin sukaldaritzako errezeten programa bat, eta emakumeei eskainitako osasunari buruzko programa bat gidatzen. Gainera, irratian lanean jarraitu zuen Badji Tourérekin.[1]
Errealizadore eta gidoilari gisa Frantzian, Malin, Burkina Fason eta Boli Kostan trebatu zen.[1]
1993an antzerki-lan bat idatzi zuen, eta Ousmane Sow errealizadoreari erakutsi zion; hark gomendatu zion Cheick Oumar Sissoko Zentro Nazional Zinematografikoko (Cncm) zuzendariarekin harremanetan jartzeko eta hark lagundu zion film bihurtzen
Irratian Islam tempête izeneko antzezlan batean lan egin zuen, Maimouna Hélène Diarra aktorearekin batera.
Aktore gisa lehen papera Feu Djibril Kouyatéren Falato filmean egin zuen, eta gaizto rola bete zuen. Errealizadoreak komediante-paperean ikusten zuela aitortu zion. Hurrengo lana 1995ean egin zuen, Guimba, un tyran une époque lanean, Sidi Diabaté, Maliko zinematografia-zentro nazionaleko zuzendariak gidatuta.
1999an, kaleko haurrei buruzko Ngolo dit papi lanarekin Ouagadougouko Zinema eta Telebista Panafrikarreko Jaialdian frantziar lankidetzaren saria jaso zuen .[3]
Ondoren, hainbat dokumental egin ditu, besteak beste, eskola koranikoetako ikasleei buruzko La Quête violée eta ezkutuko prostituzioari buruzko Le Combat de Lalla.
Bere ibilbidean ez zuen irratiko lana utzi eta 2005ean Maliko telebistako emanaldietan parte hartzen jarraitu zuen: emakumeei eskainitako osasunari buruzko saioetan.[3]
2013. urtean Don Nata (Etorkizuna) erakundea sortu zuen, Feue Gandoura Cissé lehendakariordearekin batera zuzentzen duena. Bamako Museoan du egoitza, sortzaile gazteen arteko lana bultzatzeko.
Emakume genitalen mutilazioaren aurkako aktibista
[aldatu | aldatu iturburu kodea]Coulibaly nazioarteko erreferentea da berak eta bere alabak Malin bizi izan duten emakumeen genitalen mutilazioaren aurkako borrokaren aktibista gisa. Herrialde horretan, emakumeen % 90 mutilatzen dituzte.[4] "BAZEKO" (ongizatea) elkarteko lehendakaria da, eta, horrez gain, AMSOPT (Jarduera publikoen jarraipena eta orientazioa egiteko Maliako elkartea) eta APDF erakundeekin elkarlanean aritu ohi da. Askotan, landa-eremuko sentsibilizazio-biretan parte hartzen du.
Aktibismoa 1990aren hasieran hasi zen, landa-eremuko egoerari buruzko erreportajeak egiten hasi zenean irratirako. Mutilatu ondoren odolustuta hildako nesken kasuak aurkitu baitzituen.[3] 2002an, zatiketaren aurkako Zentro Nazional bat sortzen lagundu zuen Malin.[3]
2004an, Moolaadé (Babesa) filmean Collé Ardoren papera hartu zuen. Ousmane Sembene senegaldarrak zuzendu zuen filma, eta herrian iraultza txiki bat hasi zuen emakume bat irudikatu zuen. Mutilazioa jasateko zorian zeuden lau neska babesten zituen. Pertsonaia hori eguneroko bizitzan duen aktibismoaren oso antzekoa zen.[4] Filma Burkina Fasson filmatu zen. Paperak nazioarteko proiekzioa eman zion Afrikatik haratago.[5]
Txikia nintzenetik ikusi ditut neskak hiltzen, genitalen mutilazioak eragindako odoljarioen ondorioz. EGM sufritu duten emakume askok arazoak dituzte senarrekin amodioa egiten dutenean, mingarria suertatzen baitzaie. Batzuek erditzean ere arazoak izaten dituzte. Zenbait kasutan, kiste bat hazten da ebakitako klitoriaren tokian. Mutilazio genitala emakumearen bizitzarako oztopo bat da. Horregatik, batez ere, emakumea naizelako, ama naizelako, komunikatzailea naizelako inplikatzen naiz honetan. Nire eginkizuna sentsibilizatzea eta informatzea da, emakumeek jakin dezaten genitalen mutilazioa gaitz bat dela. Beraz, gizonek ere ulertu beharko dute hori ez dela ona... Fatoumata Coulibaly
Filmografia
[aldatu | aldatu iturburu kodea]Aktore gisa
[aldatu | aldatu iturburu kodea]- Falato
- 1995 Guimba, un tyran une époque, Sidi Diabaték zuzendua
- 1998 Afrodita, les Jardins des Parfums, Pablo Zesarrek zuzendua
- 2004 Moolaadé (Babesa), Ousmane Sembenek zuzendua
- 2011 Un pas en avant - Les dessous de la corruption, Sylvestre Amoussouk (Madame Missébo) zuzendua[6]
- 2012 Tourbillon à Bamako, Dominique Philippek zuzendua
- 2012 Voyage des pierres (film laburra)
Zuzendari gisa
[aldatu | aldatu iturburu kodea]- 1999 Ngolo dit papi (Burkina Faso)
Sariak eta aintzatespenak
[aldatu | aldatu iturburu kodea]- 1999 Lankidetza Frantsesaren Saria Ouagadougouko Zinema eta Telebista Panafrikarreko Jaialdian, Ngolo di Paparen lanagatik (1999)[7]
- 2005 Emakumezko aktore onenaren saria Cinemanila International Film Festivalen, Moolaadé lanagatik (2004)
- 2005 Chlotrudis Award-erako izendatu zuten Moolaadé laneko aktore onenaren saria eskuratzeko (2004)
Erreferentziak
[aldatu | aldatu iturburu kodea]- ↑ a b c d e Fatoumata Mah Thiam Doumbia. (16 de junio de 2007). «Fatoumata Coulibaly dite FC à Bamako Hebdo : Une communicatrice doublée d'une comédienne et d'une réalisatrice» www.maliweb.net.
- ↑ Mali : Fatoumata Coulibaly: journaliste à l’Ortm, comédienne et réalisatrice de films. 26 de marzo de 2016.
- ↑ a b c d e Cans, Charlotte. (4 de abril de 2005). Fatoumata Coulibaly. .
- ↑ a b Fatoumata Coulibaly, una estrella contra la ablación en África. 13 de marzo de 2005.
- ↑ Aloia Álvarez Feáns. (marzo de 2009). «Entrevista a Fatoumata Coulibaly, activista maliense contra la mutilación genital femenina: "Hay que atreverse, y las africanas se atreven" - Pueblos. Revista de información y debate» www.revistapueblos.org.
- ↑ AlloCine. Un pas en avant - les dessous de la corruption. .
- ↑ «Fatoumata Coulibaly» IMDb.
Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q28523879
Multimedia: Fatoumata Coulibaly / Q28523879