Elizabeth Jane Gardner

Elizabeth Jane Gardner
	; Irudi gehiago
Bizitza
Jaiotza	Exeter (en) , 1837ko urriaren 4a
Herrialdea	Ameriketako Estatu Batuak
Talde etnikoa	estatubatuar zuria
Lehen hizkuntza	ingelesa
Heriotza	Saint-Cloud, 1922ko urtarrilaren 28a (84 urte)
Hobiratze lekua	Montparnasseko hilerria
Familia
Ezkontidea(k)	William-Adolphe Bouguereau (1896 - 1905eko abuztuaren 19a)
Hezkuntza
Heziketa	Lasell University (en) ; Académie Julian (en)
Hizkuntzak	italiera; alemana; ingelesa; frantsesa
Irakaslea(k)	Ange Tissier (en) ; Jules Lefebvre; William-Adolphe Bouguereau; Hugues Merle (en)
Jarduerak
Jarduerak	margolaria eta artista
Lantokia(k)	Paris
Mugimendua	Akademizismoa
Izengoitia(k)	Bouguereau, Elizabeth Jane Gardner eta Bouguereau, William-Adolphe
Genero artistikoa	erretratua; genero-artea; arte sakroa

Elizabeth Jane Gardner (Exeter, New Hampshire, 1837ko urriaren 4a – Saint Cloud, 1922ko urtarrilaren 28a) margolari figuratibo estatubatuarra izan zen, eta bere bizitzaren zatirik handiena Parisen erbesteratuta bizi izan zuen. Hantxe, Parisen ikasi zuen Hugues Merle eta Lefebvrerekin,^[1] azkenik, William-Adolphe Bouguereaurekin, 1896an ezkondu baitzen, eta haren estiloa hain arrakastatsua izanik, haren obraren zati bat senarrarenarekin nahas daiteke.

Margolari ibilbidea

1866an Gardner Parisko Aretoan erakusketa bat egin zuen lehen emakume iparramerikarra izan zen.^[1] Erakusketa horretan hogeita bost aldiz ere parte hartu zuen.^[2] Urrezko domina jaso zuen 1877ko Aretoan, ohore hori jaso zuen lehen emakumea bihurtu zen.^[3]

Badakit kritikatu egiten nautela nire nortasun artistikoa intentsitate handiagoz ez aldarrikatzeagatik, baina nahiago dut Bouguereauren imitatzaile onena izan ahanzturan erortzea baino. Elizateth Jane Gardner

Gardnerrek Auburndalen (Massachusetts) ikasi zuen Lasell mintegian, eta lehen arte-prestakuntza jaso zuen. Bostonen maisu zaharrak kopiatzen zituen bitartean, Gardner bere marrazteko modua guztiz egokia ez zela eta Europara joan behar zuela ikastera konturatu zen. 1864. urtean Parisera joan zen, Robinsonekin batera.^[3]

Gardnerrek gizon gisa janzteko baimena eskatu zuen, Gobelinsek emandako klaseetara joateko. Oso emakume azkarra eta trebea izan zen hizkuntza-mailan, eta gai izan zen bezeroei ingelesez, frantsesez, italieraz edo alemanez hitz egiteko, erosoago senti zitezen. Gardner-ek bazekien nola egin publizitatea eta nola egin harremanak, karrera sustatzeko eta enkargu berriak lortzeko.