Club Joventut de Badalona
Club Joventut Badalona | ||||
---|---|---|---|---|
Ligak | ACB | |||
Sorrera | 1930 | |||
Historia | Penya Spirit of Badalona (1930–1939) Club Joventut de Badalona (1939–gaur egun) | |||
Bazkideak | 6.700 inguru | |||
Pabiloia | Palau Olímpic (12.500 leku) | |||
Kokapena | Badalona, katalunia | |||
Taldearen koloreak | Berdea, beltza, zilarra, zuria | |||
Lehendakaria | Juan Antonio Morales | |||
Entrenatzailea | Carles Durán | |||
Txapelketak | 1 Euroleague 1 ULEB kopa 1 EuroChallenge 2 Korać Kopa 4 ACB Liga 8 Espainiako kopa 2 Espainiako Superkopa 11 Kataluniako saskibaloi liga | |||
Webgunea | joventutbadalona.com | |||
Uniformeak | ||||
|
Club Joventut de Badalona, S.A.D. (katalanez ˈkɫub ʒuβənˈtud bəðəˈɫonə ahoskatua) saskibaloi talde kataluniarra da, 1930ean Badalonan (Bartzelona) sortutakoa "Penya Spirit of Badalona" izenarekin. Ordutik, "La Penya" izen herrikoia hartu zuen.
1960ko hamarkadaren amaieratik 1970ekoaren amaierara eta 1990ekoa bereziki izan dira aro historikorik emankorrenak, izan ere 1994an bihurtu zen lehenengo talde kataluniarra Europako txapelketa nagusia irabazten. Azken urteetan ere berpiztualdi bat eduki dute.
Haren herrialdeko bigarren talderik hoberena da FC Barcelonaren atzetik, bai eta Espainiako hoberenen artean egon ere.
![](http://upload.wikimedia.org/wikipedia/commons/thumb/5/5d/Ol%C3%ADmpicoBadalona.jpg/500px-Ol%C3%ADmpicoBadalona.jpg)
Historia
[aldatu | aldatu iturburu kodea]![](http://upload.wikimedia.org/wikipedia/commons/9/9c/Preg%C3%B3_de_les_Festes_de_Maig_de_Badalona_2014_%28cropped%29.jpg)
1930eko martxoaren 30ean kluba sortu zuten gazte badalonar talde batek: Cuixart, Estruch, Massot, Lloret, Boada, Corominas, González eta Grífol-ek. "Penya Spirit of Badalona" izena hartu zuen, Ozeano Atlantikoa bakarka eta eskalarik gabe zeharkatu zuen lehenengo hegazkinaren omenez ("Spirit of Saint Louis"). 1940ko hamarkadaren amaieran eta 1950ekoan zehar 4 aldiz irabazi zuten Espainiako Kopa, taldeko lehenengo tituluak izan zirenak.
1960ko hamarkadaren amaieran lehenenego aldiz irabazi zuten Espainiako Liga. Bigarrena 11 urte geroago erdietsi zuten, 49 partida jarraian irabazi ostean. Tarte horretan, beste birritan Kopako txapeldun gelditu ziren.
1980ko hamarkadaren hasieran lehendabiziko titulu europarra iritsi zen Kataluniara, Korać Kopa, Pallacanestro Veneziaren aurka irabazitakoa, eta 9 urte ondoren bigarrena lortu zuten, Scavolini Pesaroren aurka. 1990eko hamarkadaren hasieran, hirugarren eta laugarren Ligak erreskadan lortu zituzten. Bartzelonako 1992ko Olinpiar Jokoetatik taldeak partidak Pavelló Olímpic-en jokatzen ditu, 12.500 ikus-entzulerentzat edukia daukana. Euroligan ere, txapeldunordeak izan eta gero, 1994an europar garaikur nagusia altxatu zuten, Olimpiakos BC gainditu eta gero Tel Aviven. La Penya-ko historiako talderik onena izan zen, Obradovic entrenatzailearen gidartitzapean: Villacampa, Jofresa anaiak, Thompson, Morales, F. Martínez eta abar.
Arrakasta eta gero, sarritan gertatzen den moduan, krisialdi ekonomikoak kluba astindu zuen. Ausiàs March pabilioia Badalonako Udalari saldu behar izan zioten eta jokalari onenak saldu. Berpizturik, 1997an azken aurreko Kopa irabazi eta Ligako finalerdietara iritsi ziren, eta hurrengo urtean Kopako txapeldunordeak izan ziren. 2006an FIBA EuroCup irabazi, eta 2 urte geroago azken Kopa eta estatu mailako azken titulua momentuz.
2008ko krisialdi ekonomikoak jota, Joventut urte batzuk makal ibili zen kirol arloan. 2017an, Morales iritsi zen presidentziara eta Udalarekin hitzarmena sinatu zuten, zor ekonomikoa kitatzeko, Grifols enpresak ere lagundu zuelarik klubera oreka ekartzeko.
Izen komertzialak
[aldatu | aldatu iturburu kodea]
|
|
Palmaresa
[aldatu | aldatu iturburu kodea]Espainian: 14
[aldatu | aldatu iturburu kodea]- Espainiako Liga (4): 1967, 1978, 1991 eta 1992.
- Espainiako Kopa (8): 1948, 1953, 1955, 1958, 1969, 1976, 1997 eta 2008.
- Espainiako Superkopa (2): 1985, 1986
Nazioartean: 5
[aldatu | aldatu iturburu kodea]- Europako kopa (1): 1994.
- FIBA EuroCup (1): 2006.
- EuroChallenge (1): 2006.
- Korać Kopa (2): 1981 eta 1990.
Katalunian: 14
[aldatu | aldatu iturburu kodea]- Kataluniako Liga (9): 1986, 1987, 1988, 1990, 1991, 1992, 1994, 1998, 2005.
- Kataluniako saskibaloi txapelketa (5): 1949, 1952, 1953, 1954, 1957.
2019/2020 denboraldiko taldea
[aldatu | aldatu iturburu kodea]Divina Seguros Joventut taldeko jokalariak
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Jokalariak | Entrenatzaileak | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Jokalariak – Transakzioak |
Jokalari ezagunak
[aldatu | aldatu iturburu kodea][1964-1974]. Francesc Buscató (1940-), antolatzailea.
[1967-1981]. Lluis Miquel Santillana (1951-), pibota.
[1972-1990]. Josep Maria Margall (1955-), hegalekoa. 7. zenbakidun kamiseta erretiratu zuen klubak bere omenez.
[1991-1994]. Corny Thompson (1960-), pibota.
[1980-1997]. Jordi Villacampa (1963-), hegalekoa. 8. zenbakidun kamiseta erretiratu zuen klubak bere omenez.
[1981-1990]. Jose Antonio Montero (1965-), antolatzaile-hegalekoa.
[1983-1996 eta 1999-2003]. Rafael Jofresa (1966-), antolatzailea. 5. zenbakidun kamiseta erretiratu zuen klubak bere omenez.
[1987-1995]. Juanan Morales (1969-), pibota.
[2005-07]. Elmer Bennett (1970-). Antolatzailea.
[2006-07]. Roberto Dueñas (1975-), pibota.
[1997-2002 eta 2004-06]. Àlex Mumbrú (1979-), hegalekoa.
[1998-2000]. Raül López (1980-), antolatzailea.
[1998-2000 eta 2014-18]. Sergi Vidal (1981-), eskolta.
[2003-08].Rudy Fernández (1985-), oinarri-hegalekoa.
[2005-09]. Pau Ribas (1987-), eskolta.
[2005-09]. Ricky Rubio (1990-), antolatzailea.
[2010-12 eta 2018-19]. Marko Todorović (1992-), pibota.
Entrenatzaile ezagunak
[aldatu | aldatu iturburu kodea]Aíto García Reneses: (1983–1985 eta 2003-2008).
Lolo Sainz (1990–1993).
Željko Obradović (1993-1994).
Pedro Martínez (1994–1995).
Sito Alonso (2008–2010).
Presidenteak
[aldatu | aldatu iturburu kodea]Lehenengo presidentea, sorreraren aktan agertzen den moduan, Màrius Cuixart izan zen, Penya Spirit of Badalona-ren sortzaileetako bat. Hortik aurrera etorri diren guztien artean Joan Walter nabarmendu daiteke, lehenik eta behin, bera izan baitzen klub berde-beltzaren presidentea 1967an, lehendabiziko Liga irabazi zutenean. Lluís Conesa, bestela, taldearen historiako presidenterik sarituena, bera goiko postu horretan zegoela Joventutek Europako Kopa lortu baitzuen 1994an, europar titulu gorena irabazten lehenengo talde kataluniarra bihurtuz. Jordi Villacamparen eskutik, urteak aurrera, Ricky Rubiok edo Rudy Fernándezék eraman zuten berriro taldea kirol panoramaren leku gorenetara. 2017an, Juanan Morales jokalari ohiak postua hartu zuen.
Hemen aukeratutako presidente batzuk eta euren aginte tarteak:
- Antoni Viñalonga: 1952-62.
- Antoni Mas: 1962-66 eta 1967-78.
- Joan Walter: 1966-67.
- Santiago March: 1980-82.
- Lluís Cones: 1982-95.
- Genís Llamas: 1996-99.
- Jordi Villacampa: 1999-2017.
- Juanan Morales: 2017-.
Bibliografia
[aldatu | aldatu iturburu kodea]- Conde Esteve, Justo; Ramos Pérez, José Ramón. Joventut Badalona. La quintaesencia del basket. Badalona: Club Joventut Badalona, 1992.
- Costa, Josep Maria. Desperta, Ferres! Cinquanta anys del Club Joventut Badalona. Badalona: Club Joventut Badalona, 1980.
- Costa, Josep Maria La millor entitat esportiva catalana. Carrer dels Arbres, 1a època, núm. 18, 1981, pàg. 13-16.
- Sadurní, Núria. L'Abans. El Barcelonès: Badalona. Recull Gràfic 1888-1965. El Papiol: Editorial Efadòs, 2005.
- Soler, Toni. La Penya en 75 paraules. Barcelona: Viena, 2006. ISBN 84-8330-379-5.
- Villarroya, Joan. Història de Badalona. Badalona: Museu de Badalona, 1999.
Argazki galeria
[aldatu | aldatu iturburu kodea]-
Hiru kamiseta erretiratuak.
-
Pabilioi olinpikoa.
-
Udala eta klubaren arteko hitzarmena.
Kanpo estekak
[aldatu | aldatu iturburu kodea]- (Katalanez)(Gaztelaniaz) Joventuteko webgunea