Claus von Stauffenberg
Claus Philipp Maria Justinian Schenk Graf von Stauffenberg, gehienetan Claus Schenk Graf von Stauffenberg edo Claus von Stauffenberg (Jettingen, Augsburgo, Alemania, 1907ko azaroaren 15a - Berlin, Alemania, 1944ko uztailaren 21a) alemaniar militarra izan zen.
Biografia
[aldatu | aldatu iturburu kodea]Estatu Nagusiko ofiziala izan zen, eta, besteak beste, Polonian, Frantzian eta Sobietar Batasunean borrokatu zen, baina, borroka haietan izandako zauriak zirela eta, erreserbara erretiratu behar izan zuen.
Hitler hiltzeko antolatu zen konplot bateko buruzagietako bat izan zen, eta Stauffenbergek berak Hitler hiltzeko ardura hartu zuen bere gain. 1944an atentatu bat egin zuen (bonba bat ezarri zuen Hitlerrek eta beste zenbait ofizialek bilera bat egin behar zuten kuartelean), eta atentatuaren ondoren, Hitler hila zelakoan, Berlina abiatu zen gobernua hartzera; atentatua, ordea, ez zen ongi atera, eta Berlinen atxilotu eta hil zuten.
Zinema
[aldatu | aldatu iturburu kodea]2008an Valkiria Operazioan oinarritutako Valkyrie filma estreinatu zen, Tom Cruise aktoreak Claus von Stauffenbergen papera antzeztu zuelarik.
Erreferentziak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Claus von Stauffenberg ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.