Bilbao Exhibition Centre

Bilbao Exhibition Centre
	BEC dorrea eta sarrera; Irudi gehiago
Kokapena
Herrialdea	Euskal Herria
Probintzia	Bizkaia
Herria	Barakaldo eta Euskal Autonomia Erkidegoa
Koordenatuak	43°17′22″N 2°59′23″W / 43.2894°N 2.9897°W
Historia eta erabilera
Irekiera	2004ko apirilaren 19a
Inaugurazioa	2004ko apirila
Arkitektura
	Webgune ofiziala

Bilbao Exhibition Centre (BEC) (ingelesez Bilboko Erakusketa Zentroa) Barakaldon eraikitako Bilboko erakustazoka berria da. 2002an hasi ziren eraikitze-lanak, Bizkaiko Labe Garaiak (AHV) egondako orube batean.

Inaugurazioa 2004. urteko apirilaren 19an izan zen, Makina-erremintaren 23. edizioarekin batera. 2006. urteko apirilean, berriz, konplexuaren BEC biltzar jauregia zabaldu zen. BECa osatzeko 98 metro altuerako BEC dorrea eta hotel bat eraiki ziren.

Proiektua artean zehazteke zegoenean Zorrotzako puntan eraikitzea ere pentsatu zen, baina azkenean aukera hori baztertu egin zen, horrek zekarkeen garraio publikoaren arazoa zela eta. BECaren eraikuntzarekin batera, Bilboko metroaren 2. linearen barruan dagoen Ansioko geltokia eraiki zen.

Proiektua

Guztira sei pabilioik osatzen dute erakustazoka. Horietako batek, Bizkaia Arena pabilioiak, 20.000 pertsona arteko kontzertu, partida eta ekitaldiak antolatzeko prestaturik dago. Pabilioien arteko komunikazioa errazteko, erakustazokaren erdialdean etorbide bat dago, 500 metroko luzera eta 40 metroko zabalera duena.

Erakustazoka moduan erabil daitekeen azalera 155.000 metro koadrokoa da, aintzina Bilboko Basurtu auzoan zegoen Bilboko Nazioarteko Erakustazokak baino askoz gehiago. Erakustazoka berria eraikitzearen arrazoietako bat Makina Erremintaren azokak Bilboko eraikin zaharretan kokatzeko zituen leku falta arazoak izan ziren.

Konplexuari buruzko datu batzuk

Pabilioi guztietan aktibitatea dagoenean, 20.000 pertsonako herri bat bezain beste elektrizitate erabiltzen du BECek.
Erakustazokaren azpian 4.000 automobilentzako aparkalekua dago.
175.000 metro kubiko zementu erabili zen eraikuntzarako.
Pabilioien zorua, metro karratuko 4.000 kilogramoko pisua jasateko prestatua izan da.
200.000 metro kable erabili da, konplexu barruko konexio eta interneterako sarbideentzako.
Pabilioi bakoitzak 20 metroko altuera dauka.
Konplexua eraikitzeko erabilitako altzairuak, lau Eiffel dorre eraikitzea posible egingo luke.

Urteko ekitaldien zerrenda

Oharra: Azoka hauetako batzuk bi urterik behin antolatzen dira, eta euretariko batzuk Barakaldoko eraikinetik kanpo antolatzen dira.

ALMONEDAS: Antigoaleko Gauzen eta Bildumazaletasunaren Azoka
AUTOMACION: Makineriarako Sistemen eta Osagaien Nazioarteko Azoka
BIEMH: Makina-erremintaren Espainiako Bi Urtetik Behingo Azoka
BILBAO MOTOR SHOW
BRICOFORMA: Nazioarteko Brikolaje Azoka
CREAMODA: Moda diseinatze lehiaketa
CONSTRULAN: Eraikuntza, Ekipamendu eta Instalazioen Erakusketa
CUMBRE INDUSTRIAL Y TECNOLÓGICA: Fabrikaziorako Makineriaren eta Teknologien Nazioarteko Azoka
BILBOKO DESENBALAJEA: Antigoaleko gauzen azoka (BECetik kanpo antolatua)
ELEKTRO: Industria Elektrikoaren eta Elektronikoaren Nazioarteko Azoka
EUROFISHING: Arrantza-industriaren Nazioarteko Azoka
EXPOBODAS: Ezkontza eta Lehen Jaunartzetarako Erakusketa (BECetik kanpo antolatua)
EXPOCONSUMO: Kontsumo-ondasunen Azoka
EXPONATUR: Natur eta Aventura Azoka
EXPORTA: Esportatzaileentzako Zerbitzuen Foroa (BECetik kanpo antolatua)
EXPOVACACIONES: Turismoaren eta Aisiaren Azoka
Euskal Encounter: Informatikako profesional eta zaletuen topagunea
"BASERRTIK PLAZARA” NEKAZARITZA-AZOKA (BECetik kanpo antolatua)
FERROFORMA: Burdineriaren Nazioarteko Azoka
FOSMINER: Mineral eta Fosilen Nazioarteko Erakusketa
FRANQUICIA: Frankiziaren Erakusketa
I.T.L. (INTERMODAL): Intermodal Transport & Logistics (BECetik kanpo antolatua)
MADERTEC: Zuraren Erakusketa
MANAGING: Enpresa Gestionatzeko Tekniken Erakusketa
FOROTECH: Teknologia Berrien Foroa
MANTENIMIENTO: Mantenimenduaren Azoka
MANUTENCIÓN: Biltegiratzearen, Eskorgen, Jasogailuen, Paletizazioaren, Ontzien eta Bildukien Azoka
NAGUSI: Nagusientzako Jardueren, Aisiaren eta Zerbitzuen Erakusketa
UGP/PIN: Umeen Gabonetako Parkea
PROMA: Ingurumenaren Nazioarteko Azoka
SALÓN DE BISUTERÍA, REGALO Y COMPLEMENTO DE MODA: Imitaziozko Bitxien, Oparien eta Modako Osagarrien Erakusketa
SALON DE INVENTOS: Asmakizunen Azoka
SALÓN DEL AUTOMÓVIL: Ibilgailuen Erakusketa
SIDEROMETALURGICA: Siderometalurgiaren Nazioarteko Azoka
SINAVAL: Ontzigintzaren eta Itsaso-Industriaren eta Portu-Industriaren Nazioarteko Azoka
SOLDADURA: Soldaduraren Nazioarteko Azoka
SUBCONTRATACIÓN: Azpikontratazioaren eta Enpresen arteko Lankidetzaren Nazioarteko Azoka
SUMINISTRO INDUSTRIAL: Erreminten, Makineria Osagarriaren, Ordezko Piezen eta Osagaien Nazioarteko Azoka
TRASMET: Galdaketa, Forjaketa, Ijezketa eta Azal-tratamendurako Ekipoen eta Hornikuntzaren Nazioarteko Azoka

Kanpo estekak

BECen webgune ofiziala.

Datuak: Q4907607
Multimedia: Bilbao Exhibition Centre / Q4907607