Arja Kajermo

Arja Kajermo
	; Irudi gehiago
Bizitza
Jaiotza	Finlandia, 1949 (74/75 urte)
Herrialdea	Suedia
Jarduerak
Jarduerak	umorista grafikoa eta idazlea

Arja Kajermo (Kiuruvesi, Finlandia, 1949) marrazkilaria eta eleberrigilea da, Suedian hazia, Irlandan bizi da.^[1]

Biografia

Arja Kajermo Kiuruvesin jaio zen; familiak baserri txiki bat zuen han. 1955ean, Stockholmera joan ziren bizitzera, berak sei urte zituela. 1970eko hamarkadan, Arja Kajermo 'au pair' gisa joan zen Dublinera.^[2]

Lan ibilbidea

Komikigile

Arja Kajermo marrazkilari gisa hasi zen lanean In Dublin aldizkarirako. Bi hilean behin komiki bat argitaratzen zuen aldizkari horrentzat, hamar urtez. Aldizkarian agertutako lanek osatutako The Dirty Dublin Strip Cartoons bere lehen komikia Poolbeg Press argitaletxeak argitaratu zuen.

Aldizka karikaturak egiten zituen Attic Press editore feministarentzat eta, batzuetan, Irlandako prentsarentzat: The Sunday Press (gaur egun desagertuta), The Irish Times, Image magazine eta Magill. Dublin Four bere komikia Sunday Tribunean argitaratu zuen.

Arja Kajermok Tuula komikia ere marraztu zuen, Dagens Nyheter Suediako egunkariaren igandeko alean agertzen zena.

Tuularen biñetak En pillig sol i Särholmen (Nisses Böcker 2005) liburuan argitaratu zituen. Stockholmeko hegoaldeko auzo pobre bateko eguneroko bizitzari begirada txiki bat da. Bigarren liburu batean, Tuula underbar, underbetald undersköterska (Nisses Böcker, 2008), gaia itxaropenetara, klasera, kulturara, estereotipoetara eta generora zabaldu zuen.

Arja Kajermok ilustratutako liburuen artean, Address Vintergatan (Almqvist & Wiksell, 2003) haurrentzako liburua dago, Annamaria Dahlöfen Hämta kraft (UR, 2008), laneko estresari buruzkoa, eta Bruno Rushforthen eta Val Wassen Get Through (Royal Society of Medicine, 2008), MRCGPeko (Membership of the Royal College of General Practitioners) konpetentzia klinikoen ebaluazioari buruzkoa.

Eleberrigile

Arja Kajermoren lehen eleberria, The Iron Age (Burdin Aroa), ingelesez dago idatzita, eta Tramp Press-ek argitaratu zuen, 2017an.^[3] Susanna Kajermo Törnerrek irudiztatutako nobela hau 2014ko Davy Byrne's Short Story Award sariketan aurrehautatua izan zen istorio batetik dator.^[4] Arja Kajermoren haurtzaroan oinarritzen da neurri batean, gerra ondorengo Finlandian eta Suedian.^[2] The Iron Age Republic of Λousness sarirako izendatu zuten, eta Walter-Scott (2018) sarien zerrenda luzearen parte da.^[5] Véronique Béghainek itzuli zuen eleberri frantsesera (Éditions Do, 2019).

Erreferentziak

↑ (Suedieraz) suejleonard.com
↑ ^a ^b Hayden, Joanne. (2017-04-23). «A friend told me, 'you don't think or look Irish so there's not point trying to sound it'» Independent.ie.
↑ The Iron Age (paperback). 13-04-2017..
↑ The 2014 Davy Byrnes Short Story Award. 05-12-2013..
↑ The Iron Age Longlisted for the Republic of Consciousness Prize. 28-12-2017..

Kanpo estekak

Parked at Loopia. .

Datuak: Q4791518
Multimedia: Arja Kajermo / Q4791518

[1] (Suedieraz) suejleonard.com

[afriendtoldme-2] Hayden, Joanne. (2017-04-23). «A friend told me, 'you don't think or look Irish so there's not point trying to sound it'» Independent.ie.

[3] The Iron Age (paperback). 13-04-2017..

[4] The 2014 Davy Byrnes Short Story Award. 05-12-2013..

[5] The Iron Age Longlisted for the Republic of Consciousness Prize. 28-12-2017..

[1]

[2]

[3]

[4]

[5]