Nottingham Forest Football Club

Nottingham Forest Football Club

Ezizena(k)	Forest
Sorrera	1865
Futbol zelaia	City Ground edukiera: 30.600 lagun inaugurazioa: 1898
Presidentea	Evangelos Marinakis
Entrenatzailea	Steve Cooper
Liga	Premier League
2023-24	17.a
Webgunea	Webgune ofiziala
Etxekoa 　 Kanpokoa

Nottingham Forest Football Club Ingalaterrako futbol taldea da, egoitza Nottingham hirian (Ekialdeko Midlands) duena. Ingalaterrako Liga bakarra badu ere bi aldiz irabazi du Europako Kopa.

Etxeko partiduak City Ground estadioan jokatzen ditu.

Historia

Sorrera eta hasierako urteak

Nottingham Forest taldea 1865 urtean eratu zuten hiriko Bandy jokalariek. Berehala lortu zuten lehenengo titulua, 1898ko Kopa hain zuzen ere.

XX mendean ordea bigarren mailako taldea izan zen eta 1949an gainera hirugarren mailara jeitsi zen. 1957an ordea lehen mailara itzuli zen eta Kopa berri bat irabazi zuen 1959an. Maila onean jarraitu zuen taldeak eta 1967an ordura arteko posturik onena lortu zuen Ligan, bigarren izan baitzen. Hala ere taldearen gainbehera hasi zen eta 1972an bigarren mailara jeitsi zen.

Brian Clough: urrezko aroa (1975-1993)

1975ean Brian Clough fitxatu zuen eta taldearen urrezko aroa iritsi zen. 1977an lehen mailara itzuli, 1978an Liga irabazi eta hurrengo urtean Europako Kopa jokatu zuen, bai eta irabazi ere. Urte berean Europako Superkopa irabazi zuen baina Kontinente arteko Futbol Kopa jokatzeari uko egin zion honek zekarren diru gastua zela eta.

Azken txapelduna izanik Europako Kopa jokatzeko sailkatua zegoen hasieratik eta bigarren urtez jarraian irabazi zuen. Oraingoan Superkopa eta Kontinante artekoa, biak jokatu zituen baina bietan galtzaile atera zen.

Brian Cloughek 1993 arte jarraitu zuen entrenatzen eta taldeak emaitza onak eskuratu zituen, 1989 eta 1990eko Ligako Kopan edo 1984ko UEFAko finalaurrekoa esate baterako.

Azken urteak

1994. urtean ligan hirugarrena izan zen eta UEFAra sartu zen, talde ingelesen 5 urteko debekua amaitu berri zela, baina ez zuen ibilbide handirik izan ekitaldi hartan. 1997an bigarren mailara jeitsi zen Nottingham Forest. Entrenatzaile aldaketa ugari izan zituen hurrengo urteetan, hamabi pertsona 13 urtetan. 2005ean hirugarren mailara ere iritsi zen.

Gaur egun The Championship (2.maila) txapelketan ari da baina Al-Hasawi kuwaitiarrak erosi du 2012an mailaz igo eta 3-5 urtetan talde indartsua osatzeko asmoz. Baina ez zuen lortu. 2017an Evangelos Marinakis enpresari greziarrak erosi zuen eta 2018ko urtarrilaren 8an Aitor Karanka entrenatzaile gasteiztarra fitxatu zuen.

Kolorea

Sorreratik bertatik Nottingham Forestek kolore gorria hautatu zuen Giuseppe Garibaldi iraultzaile italiarraren "atorra gorriak" gudalostearen omenez. Ofizialki kolore gorria onartu zuen lehen talde ingelesa izan zen.

2023/2024 Taldea

2023ko uztailaren 3an eguneratua.

Zbk. Postua Jokalaria 1 ATE Dean Henderson (Manchester Unitedetik utzita) 2 ATZ Giulian Biancone 3 ATZ Steve Cook 4 ATZ Joe Worrall 5 ERD Orel Mangala 6 ATZ Loïc Mbe Soh 7 ATZ Neco Williams 8 ERD Jack Colback 9 AUR Taiwo Awoniyi 10 ERD Morgan Gibbs-White 11 ERD Jesse Lingard 12 ATE Jordan Smith 13 ATE Wayne Hennessey 14 ERD Lewis O'Brien 15 ATZ Harry Toffolo

Zbk. Postua Jokalaria 16 AUR Sam Surridge 17 AUR Alex Mighten 18 ERD Cafú 19 ATZ Moussa Niakhaté 20 AUR Brennan Johnson 21 ERD Braian Ojeda 22 ERD Ryan Yates 23 AUR Joe Lolley 26 ATZ Scott McKenna 27 ATZ Omar Richards 29 AUR Nuno Da Costa 31 ERD Harry Arter 33 AUR Lyle Taylor - ATZ Renan Lodi (Atletico Madriletik utzita) - ATZ Felipe

Irabazitako txapelketak

Txapelketa nazionalak

• Ingalaterrako Liga (1) :
  • Txapelduna (1): 1978.
  • Bigarrena (2): 1967, 1979.
• Ingalaterrako Kopa (2) :
  • 1898, 1959.
• Ingalaterrako League Cup (4):
  • 1978, 1979, 1989, 1990.

Txapelketa internazionalak

Kontinente arteko Futbol Kopa

• Txapelduna (0)
• Finalista (1): 1980.

Europako Kopa

• Txapelduna (2): 1979, 1980.

Europako Superkopa

• Txapelduna (1): 1979.
• Finalista (1): 1980.

UEFA Kopa

• Finalaurrekoa 1984ean.

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Kontinente arteko Futbol Kopa	1980	Nacional	1-0	Nottingham Forest
Txapeldunen Liga	1978-79	Nottingham Forest	1-0	Malmö FF	Munich
	1979-80	Nottingham Forest	1-0	Hamburger SV	Madril
Europako Superkopa	1979	Nottingham Forest	2-1 (1-0, 1-1)	FC Barcelona
	1980	Valencia CF	2-2 (0-1, 2-1)	Nottingham Forest

Kanpo estekak

• (Ingelesez) Nottingham Foresten webgune ofiziala

• Datuak: Q19490
• Multimedia: Nottingham Forest F.C. / Q19490