Aitor Etxarte
Aitor Etxarte | |
---|---|
![]() | |
Bizitza | |
Jaiotza | Arrasate, 1956ko otsailaren 7a |
Herrialdea | ![]() |
Bizilekua | Iruñea |
Heriotza | Iruñea, 2020ko abenduaren 18a (64 urte) |
Heriotza modua | berezko heriotza: COVID-19a |
Familia | |
Seme-alabak | ikusi
|
Hezkuntza | |
Heziketa | Bartzelonako Unibertsitate Autonomoa |
Hizkuntzak | euskara gaztelania |
Jarduerak | |
Jarduerak | pedagogoa |
Kidetza | Eusko Ikaskuntza |
Sinesmenak eta ideologia | |
Alderdi politikoa | Liga Komunista Iraultzailea |
![]() |
Aitor Etxarte Berezibar (Arrasate, 1956ko otsailaren 7a - Iruñea, 2020ko abenduaren 18a) pedagogoa eta euskaltzalea zen. Arrasaten jaio, baina bizitza profesionala eta lan kulturala Iruñean egin zuen, bereziki euskararen aldeko lan luzea eginez.[1][2] Hedoi Etxarte idazlearen aita zen, eta biek konpartitu dute beti Euskal kulturgintza, hezkuntza eta euskara lantzeko kezka.[3][4]
Irakaslea eta pedagogoa
[aldatu | aldatu iturburu kodea]Pedagogoa zen lanbidez eta euskaltzalea sentimenduz. Filosofia eta Hezkuntza Zientziak ikasi zituen Bartzelonako Unibertsitate Autonomoan.
Ikasketak amaitu, eta buru-belarri sartu zen Iruñeko udal ikastolen sorreran. Frankismoaren garaian trantsizio betean sortu zen udal ikastola, eta 1978ko urtarrilaren 9an, lehen eskolak eman zizkien 145 haurri Gazteluko plazako lokal batean. Hasieratik izan zen Etxarte egitasmo haren bultzatzaile. Hiru urtez, ikastolak ez zuen toki egonkorrik eta hainbat aldiz aldatu zuten lekua, harik eta 1981ean, Arrosadia auzoan, "Hegoalde"-ko egoitza topatu arte. 41 urte egin zituen irakaskuntzan, irakasle eta Hegoalde ikastolako zuzendari. Irakasle izateko bokazioak bizi zuela eta sutsua zen horretan. Irakaskuntza berritzeko ikerketan aritu zela irakasleen irakasle izan zen. Iragan legealdian Nafarroako Eskola Kontseiluko lehendakari izan zen.[2]
Azkenaldian, 2015tik 2019ra, erretiroa hartu arte, Nafarroako Eskola Kontseiluko lehendakaria izan zen. Eskola porrota murriztea, inbertsioak handitzea eta ikasleen arteko arrakalak erauztea jarri zuen erronka nagusien artean. Beretzat, arrakala sozialak gainditzeko gai ziren ikastetxeak ziren kalitatean hoberenak: «Jaiotzatik ezarritako determinismoa apurtzeko gaitasuna dutenak dira ikastetxerik onenak.[2]
2022an Nafarroako Gobernuak Karlos Noblearen Gurutzea delako domina eman zion, hil osteko sari, pedagogia-metodologia berritze lanetan egindako jarduna saritzeko.
Euskaltzalea
[aldatu | aldatu iturburu kodea]Hezkuntza alorrean egindako lanaz gain, Euskalerria Irratiko kolaboratzailea zen luzaz, eta Iruñeko Karrikiri euskara elkartearen garapenean ere parte hartu zuen.
Politikaria
[aldatu | aldatu iturburu kodea]Politikagintzan Liga Komunista Iraultzailea alderdian (LKI) jardun zuen militante gisa.
Erreferentziak
[aldatu | aldatu iturburu kodea]- ↑ Naiz. (2020-12-18). «Aitor Etxarte euskaltzalea hil da Iruñean, koronabirusak jota» naiz: (Noiz kontsultatua: 2020-12-18).
- ↑ a b c Senar, Joxerra. «Aitor Etxarte hil da, Iruñerriko euskalgintzaren erreferentea» Berria (Noiz kontsultatua: 2020-12-19).
- ↑ Sagarzazu, Jokin. «Norabide bakarreko kalean» Berria (Noiz kontsultatua: 2020-12-19).
- ↑ Jokin, Sagarzazu. (2020-08-25). «Ahomentan: Aitor Etxarte eta Hedoi Etxarte (3.zatia) - YouTube» www.youtube.com (berriatb) (Noiz kontsultatua: 2020-12-19).