Sluis

Txantiloi:Herbehereetako udalerri infotaula

Sluis (entzun^ⓘ) Herbehereetako Zeelanda probintziako herria da. 2010eko urtarrilaren 1eko erroldaren arabera, herriak 24.093 biztanle zituen. 2003an sortu zen Oostburg eta Sluis-Aardenburg herriak bat egin zutenean.

Inguru naturala eta kokapena

Sluis Herbehereetako hego-mendebaldeko muturrean dagoen herria da, iparraldean Westerschelde ibaiarekin egiten du muga, ekialdean Terneuzenekin, hegoaldean Belgikarekin eta mendebaldean Ipar itsasoarekin. Udalerri gehiena itsasoaren mailaren azpitik dago eta iparraldean dike bat dago.

Herriak

Honako herriek osatzen dute Sluis:

Oostburg	4.843
Breskens	4.787
Aardenburg	2.423
Sluis	2.309
IJzendijke	2.186
Schoondijke	1.472
Groede	1.094
Eede	842

Hoofdplaat	803
Cadzand	790
Zuidzande	589
Waterlandkerkje	553
Nieuwvliet	459
Retranchement	405
Sint Kruis	330

Ondasun nabarmenak

Breskens herrian Zeelanda hondartzarik bisitatuenak daude, eta hauen inguruan hainbat hotel eta kanpaleku eraiki dira azken urteetan.

Garraiobideak

2003an Vlissingen eta Breskens herriak itsasoz elkartzen dituen Veolia enpresa frantziarraren ferry zerbitzua martxan jarri zen. Uda garaian ferryak zerbitzu gehiago eskaintzen ditu inguruetara etortzen diren milaka turistengatik.

Veoliak aldi berean Brujasera eta Biervlietera doazen autobus lineak kudeatzen ditu.