Sud Ouest

Sud Ouest Frantziako eskualde egunkaria da, 1944an sortu eta Bordelen argitaratutakoa.

Sud Ouest
Mota	Eskualdekoa
Fitxa teknikoa
Hizkuntza	frantsesa
Argitaratze lekua	Bordele
Argitaletxea	Groupe Sud Ouest
Banaketa
Banatze-eremua	Frantzia
Maiztasuna	egunero
Salneurria	343.292
Historia
Sortzailea	Jacques Lemoîne
Erredaktoreak	Patrick Venries
Identifikadoreak
ISSN	1760-6454
www.sudouest.com/

Ipar Euskal Herrian egunkari erreferentzial eta salduena da. Egiten zaion kritika bat eremu hori banatzea da: Pays Basque deitu edizioan Lapurdi eta Nafarroa Beherea besterik ez daude; Zuberoak, aldiz, Béarn edizioaren barruko orrialdea du, beste eskualde biarnes bat izango balitz.

Hizkuntza aldetik ia frantses hutsezkoa da. Pays Basque edizioan euskarazko zutabe testimonialen bat egoten da, oso ehuneko txikia suposatzen duena eta astean behin ateratzen dena; euskarazko artikulua idatzi izan duena Janbattitt Dirassar izan ohi da. Are txarrago gertatzen da okzitanierarekin beste edizioetan: zenbaitetan antzeko zutaberen bat dute eta beste batzuetan hori ere ez.

Hedapena

Hedapen eremua hurrengo departamenduak hartzen ditu:

• Charente
• Dordoina
• Gers
• Gironda
• Itsas Charente
• Landak
• Lot-eta-Garona
• Pirinio Atlantikoak

Kanpo estekak

• (Frantsesez) Egunkariaren webgunea

• Datuak: Q2608774
• Multimedia: Sud-Ouest / Q2608774