Raúl Alfonsín

Raúl Ricardo Alfonsín (Chascomús, Buenos Airesko probintzia, 1927ko martxoaren 12a – Buenos Aires, 2009ko martxoaren 31) argentinar abokatu, estatuburu eta giza eskubideen bultzatzailea izan zen. Argentinako presidente konstituzionala izan zen 1983tik 1989ra.

Raúl Alfonsín
Irudi gehiago
Ahotsa
Argentinako senataria 2001eko abenduaren 12a - 2002ko uztailaren 3a Barrutia: Buenos Aires probintzia Argentinako senataria 2001eko abenduaren 10a - 2002ko uztailaren 3a Barrutia: Buenos Aires probintzia Argentinako presidentea 1983ko abenduaren 10a - 1989ko uztailaren 8a ← Reynaldo Benito Bignone - Carlos Menem → Argentinako diputatua 1963 - 1967 Barrutia: Buenos Aires probintzia
Bizitza
Jaiotza	Chascomús (en) , 1927ko martxoaren 12a
Herrialdea	Argentina
Heriotza	2009ko martxoaren 31 (82 urte)
Hobiratze lekua	La Recoleta hilerria
Heriotza modua	berezko heriotza: birikako minbizia
Familia
Ezkontidea(k)	Maria Lorenza Barrenetxe
Seme-alabak	ikusi Ricardo Alfonsín
Hezkuntza
Heziketa	Buenos Airesko Unibertsitatea La Platako Unibertsitate Nazionala
Hezkuntza-maila	abokatu defendatzailea
Hizkuntzak	gaztelania
Jarduerak
Jarduerak	abokatua eta politikaria
Lantokia(k)	Buenos Aires
Jasotako sariak	ikusi Nazioarteko lankidetzaren Asturiasko Printzesa Saria  (1985) European Human Rights Prize Knight Grand Cross of the Order of Merit of the Italian Republic Elisabet Katolikoaren Ordenaren lepokoa  (1984) gold Medal of the Community of Madrid  (1986) Knight Grand Cross with Collar of the Order of Merit of the Italian Republic honorary doctorate of the University of Santiago de Compostela honorary doctor of the University of Brasília Madrilgo Complutense Unibertsitateko honoris causa doktoregoa  (1988) Grand Cross, Special Class of the Order of the Sun of Peru
Sinesmenak eta ideologia
Erlijioa	Erromatar Eliza Katolikoa
Alderdi politikoa	Herritarren Batasun Erradikala

Bizitza

1949ko otsailaren 4an Maria Lorenza Barrenetxe euskaldunen ondorengoarekin ezkondu zen eta sei seme-alaba izan zituen.

1976 eta 1983 bitartean iraun zuen diktadura osteko hauteskunde demokratikoak irabazi zituen, herritarren %51,7ko babesarekin; peronistek, berriz, %45koa izan zuten.

Bere agintaldian diktaduraren arrastoak ezabatzea eta demokrazia ezartzea egin zuen bere lehentasuna. Horrela, militarren amnistia legea bertan behera utzi eta erregimenarekin zerikusirik izan zituztenak atxilotzeko bidea ireki zuen. Bere agintaldiko lehendabiziko astean, junta militarrak epaitzeko bidea emango zuten lege proiektuak sinatu eta CONADEP, Desagertutakoen Batzorde Nazionala, sortu zuen. Hala ere, militarren presioek Puntu eta Amaierako Legea eta Zor den Obedientziaren Legea indarrean jartzera begartu zuten; horiei esker, diktadura garaian gehiegikeriak egiteaz akusatutako ehunka militar zigorgabe gelditu ziren.

Horrezaz gainera, Estatuaren eta unibertsitatearen erreformak, industriaren sustapena, behartsuenentzako Elikatze Plan Nazionala eta alfabetatzeko proiektu zabala bultzatu zituen. José Sarney presidente brasildarrarekin Latinoamerikarako merkatu komuna sortu zuen, egungo Mercosurren aitzindaria izan zena. Beste alde batetik, Txilerekin bakea sinatu zuen, 1978an euren arteko gerra hasteko zorian egon zelako.

2009an hil zen, birikako minbiziak jota, 82 urterekin.

Kanpo loturak

Wikimedia Commonsen badira fitxategi gehiago, gai hau dutenak: Raúl Alfonsín

• Raul Alfonsinek gidatutako trantsizioa Berria.eus
• ‘Demokraziaren aita hil da’ izenburuarekin agurtu dute Argentinako egunkariek Raul Alfonsinen heriotza Euskalkultura.com

Ikus, gainera

• Maria Lorenza Barrenetxe

• Datuak: Q193062
• Multimedia: Raúl Alfonsín / Q193062