Katedral

Katedrala apezpikuak egoitza edo gotzain-aulkia duen tenplu kristauari deritzo. Modu honetan, elizbarruti bakoitzaren eliza nagusia da.

Baionako katedrala.

Ejmiatsingo katedrala, (armenieraz: Էջմիածնի մայր տաճար, Ēǰmiatsni mayr tačar) Armeniar Elizaren ama-eliza eta munduko katedral zaharrena.

Hasieran, katedraletan Teologia, Gramatika eta Latin katedrak ematen ziren ikasleei, baina batez ere apaizgaiei. Alabaina, pixkanaka-pixkanaka katedraletako ekintzak gurtza egiteko zabaldu ziren.

Katedralak mendeetan zehar eraikin handiak, ederrak eta oso landuak izan direnez, katedral kontzeptua modu metaforikoan ere erabiltzen da maila handiko artelan edo helburu erraldoiak izendatzeko. Esate baterako, Jose Ramon Etxebarria irakasleak Euskal Unibertsitatea sortzeko prozesua "(Euskal Hezkuntza-sistemaren) Katedralaren eraikuntza" moduan azaldu zuen 2017ko IkerGazte kongresuan. Berri Txarrak taldeak ere ideia hori erabiltzen du Katedral bat kantuan, abesti bat sortzea lan konplexua dela adierazteko ("Katedral bat egin hegalik gabe sortu ziren abesti pusketekin, bertako beiratetik sartzen diren eguzki izpien energiaz berrekin").

Euskal Herriko katedralak

• Baionako Santa Maria katedrala
• Bilboko Done Jakue katedrala
• Donostiako Artzain Onaren katedrala
• Gasteizko Santa Maria katedrala, katedral zaharra izenez ere ezaguna.
• Gasteizko Maria Sortzez Garbiaren katedrala, katedral berria izenez ere ezaguna.
• Iruñeko Andre Maria Erreginaren katedrala
• Tuterako Santa Maria katedrala

Munduko katedral ezagunak

• Parisko Notre-Dame katedrala
• Koloniako katedrala
• Compostelako Donejakueko katedrala
• Burgosko katedrala
• Leongo katedrala
• Pilarreko katedrala
• Bartzelonako katedrala
• Exeterreko katedrala
• Bristolgo katedrala
• Ejmiatsingo katedrala

Ikus, gainera

• Katedral gotiko
• Duomo
• Katedral bat (Berri txarrak)

Kanpo estekak

• Datuak: Q2977
• Multimedia: Cathedrals / Q2977