Juan Antonio Ubillos
Juan Antonio Ubillos Galatas (Amasa, Billabona, Gipuzkoa, 1707 – Arantzazuko santutegia, 1789) euskal idazlea izan zen.
Juan Antonio Ubillos | |
---|---|
Bizitza | |
Jaiotza | Amasa, 1707 |
Herrialdea | ![]() |
Heriotza | Arantzazuko santutegia eta Arantzazu, 1789 (81/82 urte) |
Hezkuntza | |
Hizkuntzak | euskara latina gaztelania |
Jarduerak | |
Jarduerak | idazlea |
Lan nabarmenak | ikusi
|
Sinesmenak eta ideologia | |
Erlijio-ordena | Frantziskotarren Ordena |
![]() |
Biografia
aldatu1722an frantziskotar egin zen, Arantzazun.
Ondoren, Alcalako unibertsitatera bidali zuten teologia eta filosofiako goi ikasketak egitera.
Tolosako eta Arantzazuko komentuetan eman zuen bere bizitza osoa, irakasle lanetan.
Filosofia eskotistari buruzko hiru liburuki mardul argitaratu zituen latinez: Philosophia Rationalis (1755), Philosophia transnaturalis (1759) eta Philosophia Naturalis (1762).
1785. urtean, berriz, Fleury abatearen Catéchisme Historique (1679) obra euskaratu zuen Christau doctriñ berriecarlea, Christauari degozcan Eguia sinisbeharren berria dacarrena. Jaun Claudio Fleuri Abadeac arguitara atera zuanetic izenburupean. Gipuzkeraz idatzia, Villasantek zera dio: “El libro del P. Ubillos delata en seguida la preocupación por emplear un euskera escogido y depurado. También se ve que tenía delante el Diccionario Trilingüe del P. Larramendi, aunque no abusa de él. Su lenguaje está firmemente cimentado sobre el vascuence popular: es puro y a la vez rico y expresivo. También se ha hecho notar que se observa en él un tinte de influencia labortana, que se explicaría por dependencia literaria de algún autor vascofrancés” (1979, 155. or.). 1897an Resurrección María Azkuek berrargitaratu zuen Bilbon, eta 1909. urtean Tolosan plazaratu zuten Kristabaren ikasbidea izenburupean.
Lanak
aldatuSaiakera
aldatu- Philosophia rationalis (1755)
- Philosophia Trasnanturalis et Naturalis (1758)
- Philosophia naturalis (1762)
Dotrina
aldatu- Cristau doctriñ berri-ecarlea (1785): Fleuryren katiximaren itzulpena
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.