Ciudad Universitaria (UNAM)

Ciudad Universitaria (euskaraz: «unibertsitate-hiria») Mexikoko Unibertsitate Nazional Autonomoaren (UNAM) campus nagusia da, Mexiko Hirian kokatua hegoaldeko Coyoacán auzoan. Mario Pani eta Enrique del Moral arkitektoek diseinatua, eraikin ugari batzen ditu: Estadio Olinpikoa, 40 fakultate eta institutu, Kultura Zentroa, erreserba ekologiko bat, Liburutegi Nagusia eta museo batzuk. 1950eko hamarkadan eraiki zen, "El Pedregal" izeneko laba gotortu zelai batean, hiriguneko eraikin zaharkituak ordezteko. 1954an osatu zen. 2007an, UNESCOk Gizateriaren Ondare izendatu zuen.

Ciudad Universitaria (UNAM)
Ciudad Universitaria de la UNAM
UNESCOren gizateriaren ondarea
Mexikoko Unibertsitate Nazional Autonomoa
Irudi gehiago
Kokapena
Estatu burujabe	Mexiko
Federative entity of Mexico	Mexiko Hiria
Koordenatuak	19°19′56″N 99°11′17″W
Historia eta erabilera
Irekiera	1954
Arkitektura
Arkitektoa	Mario Pani (en) Enrique del Moral (en)
Azalera	176,5 ha
Gizateriaren ondarea
Irizpidea	(i), (ii) eta (iv)
Erreferentzia	1250
Eskualdea	Latinoamerika eta Karibea
Izen-ematea	2007 (XXXI. bilkura)

Eraikinak

Liburutegi Nagusia

Liburutegi Nagusia Gustavo M. Saavedra eta Juan Martínez de Velasco-k diseinatu zuten. 400.000 liburu inguru ditu.

Kanpoaldea Juan O'Gorman artistak egindako horma-irudiz apaindua dago. Lau fatxadak gaika landatuak daude:

• Iparraldea: iragan prehispanikoa
• Hegoaldea: iragan koloniala
• Ekialdea: oraingo mundua
• Mendebaldea: Unibertsitatea eta Mexiko modernoa

Estadio Olinpikoa

Sakontzeko, irakurri: «Unibertsitate-Estadio Olinpikoa»

México 68 Estadio Olinpikoa, 1954an eraikia jatorrizko hirigintza planaren barnean. Augusto Pérez Palacios, Jorge Bravo eta Raúl Salinas-ek eraiki zuten eta apaindura Diego Riveraren lan artistikoa da. Jatorrizko izena Estadio Olinpikoa (gaztelaniaz: Estadio Olímpico) zen soilik, baina izena aldatu zioten 1968ko Olinpiar Jokoen egoitza bihurtu baitzen. Egun Club Universidad Nacional futbol taldearen eta "los Pumas CU" errugbi taldearen egoitza da. 68.000 ikuslerentzako edukiera du.

Kanpo estekak

• UNAMen webgunea

• Datuak: Q130025
• Multimedia: Ciudad Universitaria / Q130025