Villanueva de Cameros
Villanueva de Cameros | |||
---|---|---|---|
![]() | |||
municipality of La Rioja (en) ![]() ![]() | |||
Blazono | |||
Administrado | |||
Poŝtkodo | 26123 | ||
En TTT | Oficiala retejo [+] | ||
Demografio | |||
Loĝantaro | 74 (2023) [+] | ||
Loĝdenso | 4 loĝ./km² | ||
Geografio | |||
Geografia situo | 42° 10′ N, 2° 39′ U (mapo)42.167777777778-2.65Koordinatoj: 42° 10′ N, 2° 39′ U (mapo) [+] | ||
Alto | 900 m [+] | ||
Areo | 18,44 km² (1 844 ha) [+] | ||
Horzono | UTC+01:00 [+] | ||
![]() | |||
| |||
| |||
Alia projekto | |||
![]() | |||
Villanueva de Cameros [biljaNŬEba dekaMEros] estas vilaĝo kaj municipo de Rioĥo (norda Hispanio), nome en la suda komarko Nova Kamero. La loknomo Villanueva estas etimologie komprenebla kiel Nova vilaĝo. Je iom malpli ol 2 km estas la domaro Aldeanueva de Cameros, nuntempe preskaŭ senhoma vintre.
![](http://upload.wikimedia.org/wikipedia/commons/thumb/a/ab/Villanueva_de_Cameros_-_La_Rioja_%28Spain%29_-_Municipality_Map.svg/220px-Villanueva_de_Cameros_-_La_Rioja_%28Spain%29_-_Municipality_Map.svg.png)
![](http://upload.wikimedia.org/wikipedia/commons/thumb/f/fc/VillanuevaDeCameros20130927113557P1180083.jpg/240px-VillanuevaDeCameros20130927113557P1180083.jpg)
![](http://upload.wikimedia.org/wikipedia/commons/thumb/3/36/Ermita_de_los_Nogales-Villanueva_de_Cameros-13839.jpg/240px-Ermita_de_los_Nogales-Villanueva_de_Cameros-13839.jpg)
![](http://upload.wikimedia.org/wikipedia/commons/thumb/e/ed/Aldeanueva.jpeg/210px-Aldeanueva.jpeg)
![](http://upload.wikimedia.org/wikipedia/commons/thumb/8/8b/Santamariadelvalle.jpeg/230px-Santamariadelvalle.jpeg)
![](http://upload.wikimedia.org/wikipedia/commons/thumb/c/ca/Santaana.jpeg/210px-Santaana.jpeg)
Geografio
[redakti | redakti fonton]Ĝi estas je 41 km de Logronjo, provinca kaj regiona ĉefurbo, laŭ la ŝoseo N-111, kiu trapasas la municipon inter km 287 kaj 291; laŭ tiu norde estas Pradillo kaj sude Villoslada de Cameros kaj Lumbreras de Cameros. Okcidente de la urba kerno estas la akvobaraĵo ekkonstruita dum la Dua Hispana Respubliko, la domareto Peñaloscintos kaj Ortigosa de Cameros laŭ la regiona ŝoseo LR-232.
La tereno de la teritorio estas montara, sed la rivero Iregua formas valon sur kiu kuŝas la urba kerno. La rivero ricevas akvon el kelkaj rojoj kiuj venas el altaj montoj kiuj limigas la valon. La altitudo de la municipo gamas inter 1531 m (Cerro Cebosa) kaj 870 m ĉe la riverbordo. La vilaĝo mem estas je 914 m super marnivelo sur sunriceva deklivo sur la maldekstra bordo de la rivero Iregua ĉe la kunfluejo jun ties alfluanto la rojo Albercos, kiu ekfluas el proksima akvorezervejo González Lacasa.
Nordokcidente: Ortigosa de Cameros kaj Pradillo | Norde: Pradillo | Nordoriente: Gallinero de Cameros |
Okcidente: Ortigosa de Cameros | ![]() |
Oriente: Gallinero de Cameros kaj Lumbreras de Cameros |
Sudokcidente: Villoslada de Cameros | Sude: Villoslada de Cameros kaj Lumbreras de Cameros | Sudoriente: Lumbreras de Cameros |
Historio
[redakti | redakti fonton]La plej frua mencio aperas en la dokumento Voto de Fernán González, kie ĝi estas literumita "Villanova".
En 1366 ĝi estis inkludita inter la loĝlokoj de la Senjorlando de Cameros, kiu estis donita de Henriko la 2-a de Trastámara al Juan Ramírez de Arellano pro lia apogo kontraŭ Pedro la 1-a. Poste ĝi estis propraĵo de la senjoroj de Cameros, grafoj de Aguilar kaj dukoj de Abrantes. Dum la Moderna Epoko, Ortigosa prosperis pro la protekto fare de la Mesta kaj la industrio de la lano.
Post la malapero de la senjorlandoj, en 1811, ĝi iĝis parto de la provinco Sorio, ĝis la kreado de la provinco Logronjo la 30an de novembro 1833.
La 15an de februaro 1811, dum la Milito de Hispana Sendependigo, okazis en Villanueva de Cameros la ĵuro kaj akcepto de la decidoj de la Kortumo de Kadizo fare de la Junta de Defensa de La Rioja y Álava, al kiu la municipo apartenis, kio okazis en la Ermitejo de los Nogales (la Juglandarboj).
Aktualo
[redakti | redakti fonton]La rura elmigrado okazis laŭlonge de la 20-a jarcento kaj tial oni malaltiĝis el 483 loĝantoj ĝis nunaj 74.
La ekonomio estas bazata ĉefe sur la brutobredado, forstado, la industrio pri ligno kaj la rura turismo.
Vizitindaĵoj estas du preĝejoj, kvin ermitejoj, ponto kaj iknitoj ĉe Aldeanueva de Cameros ktp.