Papago de Pesquet
![]() | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
![]() Papagoj de Peqsquet en Bestoĝardeno Miami, Usono
| ||||||||||||||||||
Biologia klasado | ||||||||||||||||||
| ||||||||||||||||||
Konserva statuso | ||||||||||||||||||
Aliaj Vikimediaj projektoj
| ||||||||||||||||||
Papago de Pesquet (Psittrichas fulgidus), ankaŭ konata kiel agla papago aŭ Drakula papago[1] estas specio de papago el familio de aglaj papagoj (Psittrichasiidae). Ĝi estas la sola specio en sia genro Psittrichas kaj en sia subfamilio Psittrichadinae. La birdoj estas endemiaj en montaj pluvarbaroj de Novgvineo.
Priskribo
[redakti | redakti fonton]![](http://upload.wikimedia.org/wikipedia/commons/thumb/b/b1/PesquetsParrot03.jpg/220px-PesquetsParrot03.jpg)
Papagoj de Pesquet estas relative grandaj papagoj kiuj longas ĉ. 46 cm kaj pezas inter 680 kaj 800 g. Iliaj plumaroj estas nigraj kun ioma grizeco ĉe la brusto kaj brile sange ruĝa ventro, ventra parto de vosto kaj plej eksteraj partoj de flugiloj. Plenkreskaj maskloj ankaŭ havas malgrandajn ruĝajn makulojn malantaŭ okuloj, kiujn inoj aŭ junuloj neniam havas.[2] Ili havas kalvan, senpluman vizaĝon kaj parton de kalva haŭto sur kapo, pro kio iliaj kapoj ŝajnas relative malgrandaj. La haŭto en tiuj ĉi kalvaj areoj estas nigra. La beko de papago de Pesquet estas nekutime longa por papago kaj hokoforma. Entute la birdo aspektas iom kiel aglo aŭ vulturo, de kio devenas la alternativaj nomoj de la specio agla papago aŭ vultura papago — la ĉi-lasta, tamen, estas evitenda ĉar ĝi kaŭzas konfuzon de papago de Pesquet kun alia papaga specio, la vultura papago (Pyrilia vulturina).
Konduto
[redakti | redakti fonton]![](http://upload.wikimedia.org/wikipedia/commons/thumb/5/5a/Psittrichas_fulgidus_-Jurong_Bird_Park-8a.jpg/220px-Psittrichas_fulgidus_-Jurong_Bird_Park-8a.jpg)
La papago de Pesquet estas tre specializita fruktomanĝulo kaj absoluta plejparto de ĝia dieto konsistas de kelkaj specioj de figoj. Krome en iuj okazoj ili manĝas florojn kaj nektaron. Almenaŭ en partoj de ĝia arealo la birdoj migras posezone laŭ atingeblo de la fruktoj. Kalvaj partoj de la kapo estas supozeble adapto al manĝo de tre gluecaj fruktoj, kies suko aliokaze kungluus vizaĝplumojn de la papago.
Pariĝo kaj reproduktiĝo de papagoj de Pesquet ekster kapteco estas malbone studita. Oni scias nur ke la birdoj nestas en grandaj arbokavernoj kaj metas po du ovojn. En naturo oni observas la papagojn aŭ popare, aŭ en grupoj ĝis 20 individuoj. Flugante ili alternas inter rapidaj plaŭdoj kaj mallongaj glisoj.
Konserva statuso
[redakti | redakti fonton]Plumoj de la papago de Pesquet estas tre belaj kaj valoraj. Kombine kun ega malfacileco kaj multekosteco de komerca bredado de tiu ĉi birdo, tio kondukis al troĉasado. Ankaŭ habitatodetruo en Novgvineaj montaraj regionoj estas notinda problemo por la specio. Pro tiuj ĉi kialoj ĝi estas listigita en la Ruĝa Listo de IUCN kiel vundebla.[3] Ĝi ankaŭ estas listita en Apendaĵo II de CITES.
Bildaro
[redakti | redakti fonton]Referencoj
[redakti | redakti fonton]- ↑ Crew, Becky (2019). "The Dracula parrot is intimidating". Australian Geographic.
- ↑ Forshaw, Joseph M.. (2006) Parrots of the World; an Identification Guide, Illustrated by Frank Knight, Princeton University Press. ISBN 0-691-09251-6.
- ↑ BirdLife International (2012). “Psittrichas fulgidus”, IUCN Red List of Threatened Species 2012. Alirita 26 November 2013..