Orpund
Orpund | |||||
---|---|---|---|---|---|
![]() | |||||
Blazono de Orpund | |||||
Ĉefstrato en la centro de Orpund | |||||
komunumo en Svislando | |||||
| |||||
Kantono | Berno | ||||
Administra distrikto | Bielo | ||||
Malnova distrikto ĝis 2009 | Nidau | ||||
Geografia situo | CH1903: 589968 / 220888 (mapo)47.1388888888897.3063888888889Koordinatoj: 47° 8′ N, 7° 18′ O; CH1903: 589968 / 220888 (mapo) | ||||
Nombro de loĝantoj | 2671 | ||||
Areo | 3,96 km² | ||||
Alteco | 483 m super marnivelo | ||||
Poŝtkodo | 2552 | ||||
Komunumkodo | 0744 | ||||
![]() | |||||
Mapo de Orpund | |||||
Orpund estis ĝis la 31-a de decembro 2009 komunumo de la distrikto Nidau kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 2671 loĝantojn je la 31-a de decembro 2010.
Geografio
[redakti | redakti fonton]Orpund situas ĉe la norda bordo de Nidau-Bühren-Kanalo, en kiu estis kunigitaj la riveroj Aro kaj Zihl, oriente de la urbo Bielo, al kies aglomeraĵo ĝi apartenas. Al la komunumo apartenas la vilaĝo Orpund, la iama Monaĥejo Gottstatt kaj la vilaĝeto Zihlwil.[1]
La teritorio de la komunumo etendiĝas sur areo de 3,96 km², de kiuj 37,4% estas kovritaj de arbaro, 39,1% servas por agrikulturo kaj 20,7% por setlado. [2]
Najbara komunumo
[redakti | redakti fonton]La komunumo Orpund limas en nordoriento al Safnern, en sudoriento al Scheuren, en sudo al Schwadernau, en sudokcidento al Brügg, kaj en nordokcidento al Bielo.
Trafiko
[redakti | redakti fonton]Tra la komunumo pasas la kantona ĉefvojo n-ro 235.1 de Bielo al Büren ĉe Aro. Nordokcidente de la komunumo troviĝas la vojnodo de la svisa aŭtovojo A5 kun la svisa aŭtovojo A16 kaj la nuntempe konstruata konekto al la svisa aŭtovojo A6. Al la publika transportreto la komunumo estas konektita per la loka buslinio n-ro 72 de la stacidomo de Bielo al Meinisberg.
Historio
[redakti | redakti fonton]La unua dokumenta mencio de Orpund datiĝas el la jaro 1255 kiel Orpunt. Dum la konstruado de Nidau-Bühren-Kanalo estis trovitaj diversaj objektoj el la bronzepoko kaj la La-Tène-epoko. Dum mezepoko Orpund apartenis al la Grafoj de Nidau, kiuj ĝin transdonis al sia Monaĥejo Gottstatt konservante la jurisdikcion. En la jaro 1398 Orpund fariĝis kun la tuta grafejo havaĵo de la urbo Berno. Ĝis la Helveta Revolucio de 1798 Orpund apartenis al la Voktejo Nidau. Dum la tempo de la Helveta Respubliko ĝis 1803 ĝi apartenis al la distrikto Büren. En 1803 ĝi estis atribuita al la distrikto Nidau kaj fariĝis en la jaro 2010 parto de la administra distrikto Bielo.[3]
Komunuma partnereco
[redakti | redakti fonton]Orpund ek de 1991 havas komunuman partnerecon kun la urbo Brtnice en Ĉeĥio.
Notoj kaj referencoj
[redakti | redakti fonton]Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Orpund – (Kolekto de bildoj kaj plurmediaj dosieroj)
Bildoj
[redakti | redakti fonton]-
Monaĥejo Gottstatt en Orpund
-
Monaĥeja preĝejo Gottstatt
-
Preĝejo Gottstatt de interne
-
Grenejo Gottstatt, Sidejo de la komunuma administracio Orpund
-
Ponto trans Nidau-Büren-Kanalo inter Scheuren kaj Orpund
-
Komunumenira ŝildo, kiu indikas la komunuman partnerecon kun Brtnice
|
|