Anti-Lebanono
| Anti-Lebanono (جبال لبنان الشرقية) | |
| Orienta Lebanono | |
| montaro | |
 Monto Hermono, kiel vidite ekde la pinto de Bental-Monto
| |
| Ŝtato | Libano, Sirio |
|---|---|
| Regiono | Limo de Libano kaj Sirio |
| Plej alta punkto | Monto Hermono (جبل الشيخ) |
| - alteco | 2 814 m s. m. |
| - koordinatoj | 33° 24′ 51″ N 35° 51′ 26″ O / 33.41417 °N, 35.85722 °O (mapo) |
| Longo | 150 km (93,21 mi) |
|
| |
 Vikimedia Komunejo: Anti-Lebanon mountain range
| |
Anti-Lebanono estas la okcident-civiliza nomo por Orienta Lebanono (arabe جبال لبنان الشرقية). Tiu sudokcidenten-nordorienten iranta montaro konstituas la limon inter Sirio kaj Libano [1]. La landlimo estas principe difinita laŭlonge de la montaropintoj. Plejparte de la montaro troviĝas en Sirio.
Etimologio
[redakti | redakti fonton]La nomo Anti-Lebanono devenas de la greka Anti-Libanus, en kiu la prefikso "anti" signifas ‘kontraŭe’.
Priskribo
[redakti | redakti fonton]La montaro troviĝas oriente kaj paralele (kontraŭe) de Lebanono. Ĉe sia suda ekstremo ĝi ankaŭ troviĝas en Golanaj Altaĵoj. Okcidente troviĝas valoj kiuj disigas ĝin de Lebanono en centra Libano - Valo Bekaa norde kaj Rivero Hasbani sude. Oriente, en Sirio, troviĝas Orienta Altebenaĵo kiu ampleksas la urbon de Damasko. Anti-Lebanono proksimume longas 150 kilometrojn. Norde, ĝi etendiĝas ĝis preskaŭ la latitudo de la siria urbo de Homs. Sude, la montaro limtuŝas Golanajn Altaĵojn sed ĝi entenas la plej altajn pintojn de Monto Hermono (arabe: Jabal el-Shaykh), je 2 814 metroj, kaj Monto Talat-Musa, je 2 669 metroj. Tiuj pintoj estas neĝ-kovritaj dum multe de la jaro kaj situas ĉe la libana-siria landlimo.
Biogeografio
[redakti | redakti fonton]La montaro situas en la ekoregiono de la sud-anatoliaj koniferaj kaj deciduaj montarbaroj.
