Les Usses
| Les Usses | |
|---|---|
 | |
| rivero | |
| Bazaj informoj | |
| Longeco | 46,1 km |
| Akvokolekta areo | 220 km² |
| Averaĝa trafluo | 3,35 m³/s |
| Fluo | |
| - Alteco super marnivelo | 900 m |
| Enfluejo | Rodano en Seyssel (Haute-Savoie) |
| - Alteco | 250 m |
| Geografio | |
| Alfluantoj | Les Petites Usses, Le Fornant |
| Riveroj en Francio | |
Les Usses (prononcu : [Lezüs]) estas franca rivero, maldekstra alfluanto de Rodano, kiu fluas en departemento Haute-Savoie.
Ĝi fontas apud la vilaĝo Le Verney ĉe la monteto Le crêt de la Gouette (komunumo de Arbusigny), sur la suda deklivo de monto Salève.
Ĝi poste fluas sud-okcidenten, tra aŭ preter la komunumojn de Le Sappey, Menthonnex-en-Bornes, Vovray-en-Bornes, Villy-le-Bouveret, Groisy, ricevante la akvon de multaj rojoj kaj torentoj.
Inter Cruseilles kaj Villy-le-Pelloux, ĝi turnas nord-okcidenten, preterpasas Allonzier-la-Caille, Copponex kaj, inter Cernex kaj Cercier, direktiĝas sud-okcidenten al Marlioz.
Inter Contamine-Sarzin kaj Sallenôves ĝi ricevas la akvon de rojo Les Petites Usses, kaj inter Musièges kaj Chilly alfluas al ĝi rojo Le Fornant.
De Frangy, ĝi fluas okcidenten, ĝis Chessenaz; poste ĝi turnas sud-okcidenten inter Vanzy, Usinens kaj Desingy, kaj alfluas Rodanon inter Bassy kaj Seyssel (Haute-Savoie).
Les Usses estas torenta rivero, ĝia meza trafluo tre varias. De 5,58 m³/s (en februaro) ĝi povas fali al 0,23 m³/s en aŭgusto, kaj eĉ 0,166 m³/s dum sekeco. Male, en periodo de ŝvela akvo, oni mezuris debiton de 220 m³/s.
Eksteraj ligiloj
[redakti | redakti fonton]- pri Les Usses, fiŝkapta vidpunkto. (france) [rompita ligilo]