Kune
Kune (ankaŭ /·kune·/, de 1979 ĝis 1999 GEJ-gazeto aŭ GEJ-Gazeto) estas la membrogazeto de la Germana Esperanto-Junularo. Ĝi aperas kiel interna revueto kadre de Esperanto aktuell[1] kaj enhavas diverstemajn artikolojn kiuj ĉefe celas junulajn Esperantistojn.
La GEJ-gazeto fondiĝis de Thomas Bormann en 1979.[2] Kiel memstara gazeto ĝi aperis 6-foje jare ĝis ĉirkaŭ 2000, poste tiu nombro malpliiĝis al po kvar en jaro. Inter 2000 kaj 2010 la revuo funkciis ankaŭ kiel membrogazeto de la Aŭstria Esperanto-Junularo. Ekde januaro 2011, kiam komencis redakte agi Miriam Hufenbach kaj Caroline Patzelt, la kune aperas kiel parto de Esperanto aktuell, denove po ses fojojn jare.
Redaktistoj
[redakti | redakti fonton]Jen elekto el la redaktistoj de la revuo ekde ĝia tempo kiel memstara GEJ-gazeto:
- Thomas Bormann, fondinto de la tiama GEJ-gazeto
- Dirk Kretschmann
- Thomas Pusch, ankaŭ prezidanto de la GEJ de 1990 ĝis 1992
- Ulrich Matthias
- Ulrich Görtz, prezidanto de la GEJ de 1994 ĝis 1996
- Thomas Händel ekde 1995 [3]
- Marko Naoki Lins, prezidanto de la GEJ de 1996 ĝis 2000
- Marc Stessgen
- Till C. Schönberner, estrarano de la GEJ de 2001 ĝis 2002
- Felix Zesch, prezidanto de la GEJ de 2001 ĝis 2005
- Torben Prokscha
Ankoraŭ en 2010 formale la redaktoroj estis Stefanie Hanisch kaj Katharina Tanzberger, sed la revuo apenaŭ aperadis.
Referencoj
[redakti | redakti fonton]- ↑ Reta prezentado de la kune (germane) kun ligiloj al legantoreagoj al artikolo pri riismo, Esperanto aktuell 2015/1
- ↑ Intervjuo kun Thomas Bormann pri la kune, 2014 (germane). Arkivita el la originalo je 2008-06-17. Alirita 2008-06-17.
- ↑ laŭ la informa broŝuro Die Deutsche Esperanto-Jugend stellt sich vor (la teamo de GEJ sin prezentas), eldono 1995, paĝo 6