Diskuto:Merano

La pliparte germanlingvaj loĝlokoj de Sudtirolo havu artikolan nomon en la germana (ĉi tie Meran), ne en la itala (ĉi tie Merano) - pri tiu urbo estas nur malforta plimulto, ĉar, kiel informas la artikolo, "laŭ la censo de la jaro 2011, 50.47% de la loĝantaro parolas la germanan kiel denaska lingvo, 49.06% la italan, kaj 0.47% la ladinan" - en situacio kie germanlingvaj kaj itallingvaj urbanoj ambaŭ konsistigas duonon de la loĝantaro, kalkulante laŭ plimulto de la loĝantoj rezulto estus sendecido. Sed... aparte internacie konataj loĝlokoj, kiuj havas esperantlingvan nomon (ĉi tie Merano), rajtas je esperantlingva titolo de la esperantlingva artikolo: Do ĉi tie la titolo Merano NE estas en la itala, sed en Esperanto, kaj estas en ordo tiel. ThomasPusch (diskuto) 14:52, 25 jun. 2016 (UTC)

Senpripensaj ruĝaj ligiloj

Kiel fuŝe iu ĉi tie organizis la ruĝajn ligilojn! Ne nur ke Merano havas ĝemelurbon en Spain (= Hispanio), sed ankaŭ menciiĝas ŝakisto Victor Korchnoi sen esperanta artikolo. Ne estas esperanta artikolo sub la anglalingva transskribo de la rusa nomo, ankaŭ ne laŭ nederlandlingva transskribo Viktor Kortsjnoj, laŭ litova formo Viktoras Korčnojus aŭ laŭ pola transskribo Wiktor Korcznoj, sed sub la ĝusta esperanta titolo Viktor Korĉnoj tute jes troveblas esperanta teksto. Atentu ke en tiu ĉi branĉo de Vikipedio la tekstoj estas en Esperanto (!): vi ankaŭ ne atendus nomon el rusa fonto laŭ hungarlingva latinliterigo en sveda teksto aŭ laŭ estonlingva latinliterigo en itala teksto (se la homo ne havas biografian rilaton al la hungara aŭ estona lingvo - pri Viktor Korĉnoj, kiu mortis en la germanlingva parto de Svislando, eĉ germanlingva latinliterigo diskuteblus, sed anglalingva certe ne, kaj en esperantlingva teksto la esperanta norma latinliterigo de origine cirila teksto esta la nature atendata formo). Ĉiam estu skeptika se ligilo restas ruĝa: tio ne nepre signifas ke teksto ne ekzistas, sed povas esti ke vi ne atentis skribi ligilon!!! ThomasPusch (diskuto) 18:08, 16 okt. 2024 (UTC)

Unuaj 9 jaroj de la paĝa historio

Cetere: nun ŝajnas tiel ke la artikolo subite ekaperis en 2013. Sed fakte estas naŭjara antaŭa historio pri la artikolo inter 2004 kaj 2013, kiu nun troveblas sub la nuna alidirektilo Meran. Iuj uzantoj foje pingpongis la tekston ien la titolo "Meran" kaj tien al titolo "Merano". Mi jam en 2016 skribis ke ĉi tie la esperantlingva (!) titolo "Merano" laŭ mi tute adekvatas, do estas bone ke la pingpongo finiĝis. Sed mi eĉ estante administranto nur scipovus restarigi la historion pri la artikolo inter 2004 kaj 2013, tiam la historio de la teksto inter 2013 kaj 2024 perdiĝus, kaj ne scius kiel eblus "kuntriki" aŭ "kunkudri" ambaŭ partojn. Tial pli bone restu kiel estas nun: la intervalo inter 2013 kaj 2024 jam nun pli longas ol la antaŭaj naŭ jaroj. Sed atentu ke eblas tamen atingi la unuajn naŭ jarojn en la paĝa historio, eĉ se iomete pene. ThomasPusch (diskuto) 19:14, 16 okt. 2024 (UTC)