Ansero

Kiel legi la taksonomion Ansero
Grupo de kanadaj anseroj
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Anseroformaj Anseriformes Familio: Anasedoj Anatidae Subfamilio: Anserenoj Anserinae
Genroj
vidu tekston
Aliaj Vikimediaj projektoj

La ansero estas birdo apartenanta al la anserena subfamilio de la anasedoj. Ili estas grandetaj akvaj birdoj, similaj al la anasoj (kiuj estas pli malgrandaj) kaj al la cignoj (kiuj estas pli grandaj).

La plejmulto de la specoj de Eŭropo, de Azio kaj de la norda Ameriko estas migraj en sovaĝeco. Ĉiuj anseroj estas nure vegetaraj.

La anseroj metas malpli da ovoj ol la anasoj, sed ambaŭ gepatroj protektas la ovejon kaj la idojn, garantiantaj pli grandan mezan kvanton de ida supervivo.

La anseroj estis bredataj dum pluraj jarcentoj. La griza ansero (Anser anser) estas la origino de la eŭropaj bredataj anseroj, sed en Azio la cigna ansero (Anser cygnoides) ankaŭ havas longan historion.

Veraj anseroj

Genro Anser

• Griza ansero Anser anser
• Blankfrunta ansero A. albifrons
• Malgranda ansero A. erythropus
• Fabansero A. fabalis
• Mallongbeka ansero A. brachyrhynchus
• Hinda ansero A. indicus
• Cigna ansero A. cygnoides

Genro Branta

• Kolringa ansero Branta bernicla
• Kanada ansero Branta canadensis
• Eta kanada ansero B. hutchinsii
• Blankvanga ansero Branta leucopsis
• Ruĝkola ansero B. ruficollis
• Havaja ansero B. sandvicensis

Genro Chen

• Neĝansero Chen caerulescens
• Imperiestra ansero, C. canagica aŭ A. canagicus
• C. rossii aŭ A. rossii

Neveraj anseroj

• Egipta ansero, Alopochen aegyptiacus

Vidu ankaŭ

• Anserludo
• Anserpaŝo

Proverbo

Ekzistas pluraj proverboj pri ansero en la Proverbaro Esperanta de L. L. Zamenhof, inter ili:

• 	„ Celi anseron, trafi aeron. ”

• 	„ Ĝi tuŝas lin, kiel akvo anseron. ”

• 	„ Fordoni anseron, por ricevi paseron. ”