Kerns

Kerns
Blazono de Kerns
La tiel nomita Alta Ponto (germane Hohe Brücke) trans Melchaa inter Kerns kaj Sachseln
komunumo en Svislando
Ĝemelurboj Kamnik vd
Kantono	Obvaldo
Distrikto	En Kantono Obvaldo ne ekzistas distriktoj
Koordinatoj	46° 54′ 9″ N 8° 16′ 34″ O (mapo)
Nombro de loĝantoj	5485
Areo	92,66 km²
Alteco	564 m super marnivelo
Poŝtkodo	6064
Komunumkodo	1404
Mapo de Kerns

Pri la komunumo

Kerns estas komunumo en Kantono Obvaldo, en Centra Svislando. Ĝi havis 5485 loĝantojn je la 31-a de decembro 2008.

Geografio

Kerns situas sudoriente de la rivero Sarner Aa kaj la lago Wichelsee, kaj etendiĝas de la Untervaldaj Antaŭalpoj en nordo ĝis la Bernaj Alpoj en sudo. La ĉefa vilaĝo situas sur teraso je alteco de 564 m s.m. kaj ofertas belan rondvidon al la tuta kantono. En la alpa sudo de la komunumo situas la lagetoj Blausee, Melchsee kaj Tannensee. La okcidentan limon de la komunumo formas en nordo la rivero Granda Melchseeaa, kiu alfluas en la valofundo al Sarner Aa. La plej alta punkto de la komunumo situas sur la kulmino de la monto Rotsandnollen sur alteco de 2700 m s.m., dum la plej malalta punkto situas sur alteco de 459 m s.m. ĉe la bordo de la lago Wichelsee. La sudan parton de la komunumo formas la Melch-Valo.

La komunumo konsistas el la sekvantaj vilaĝoj kaj setlejoj: Kerns-Dorf, Dietried, Halten, Melchtal, Sankt-Niklausen, Siebeneich kaj Wisserlen.

Najbaraj komunumoj

La komunumo Kerns limas en nordo al Ennetmoos (NW), en nordoriento al Dallenwil (NW), en oriento al Wolfenschiessen (NW), en sudoriento al Innertkirchen (BE), en sudo al Hasliberg (BE), sudokcidento al Lungern, en okcidento al Sachseln, en nordokcidento al Sarno, kaj en nordnordokcidento al Alpnach.

Trafiko

La komunumo estas konektita al la publika transportreto per poŝtaŭtolinio de Sarno al Melchtal kaj en somero aŭ dum la skisezono ĝis Stöckalp, de kiel seĝtelfero kondukas al la Alpo Melsee-Frutt, kie troviĝas la migradoregiono ĉirkaŭ la lagetoj respektive la skiregiono en vintro.

Historio

La unua dokumenta mencio de Kerns datiĝas el la jaro 1036 kiel Chernz. La hodiaŭa komunumo estis fondita 1850 surbaze de la nova kantona konstitucio, kiu devis esti enkondukita post la valdigiĝo de la federacia konstitucio de Svislando de la jaro 1848. Tiu nomva komunumo anstataŭis la ĝis tiamajn kooperativojn kaj koncedis civitanajn rajtojn al ĉiuj loĝantoj kaj ne nur al la membroj de la kooperativoj.

Partnerkomunumo

Kerns havas komunuman partnerecon kun la urbo Kamnik en Slovenio.

Eksteraj ligiloj

• Oficiala retejo de la komunumo Kerns
• Kerns en la Historia Leksikono de Svislando

Komunumoj de Kantono Obvaldo
Alpnach - Engelberg - Giswil - Kerns - Lungern - Sachseln - Sarno