Helena Blavatskij
Helena Petrovna BLAVATSKIJ; denaske Helena von Hahn; post la unua edziniĝo ruse Елена Петровна Блаватская, post la dua edziniĝo Helena Betanelly (naskiĝis la 12-an de aŭgusto 1831 en Jekaterinoslav, mortis la 8-an de majo 1891 en Londono) estis verkisto kaj religia filozofo pri teozofio.
Helena Blavatskij | |||||
---|---|---|---|---|---|
![]() | |||||
Persona informo | |||||
Naskonomo | Елена Петровна Ган | ||||
Naskiĝo | 31-an de julio 1831 en Dnipro, Jekaterinoslava gubernio, ![]() | ||||
Morto | 26-an de aprilo 1891 (59-jaraĝa) en Londono | ||||
Mortis pro | Naturaj kialoj ![]() | ||||
Mortis per | Gripo ![]() | ||||
Religio | teozofio vd | ||||
Etno | Rusoj vd | ||||
Lingvoj | angla • rusa vd | ||||
Ŝtataneco | Usono (1878–) Rusia Imperio ![]() | ||||
Familio | |||||
Patro | Peter Hahn (en) ![]() ![]() | ||||
Patrino | Elena Andreyevna Fadeyeva (en) ![]() ![]() | ||||
Gefratoj | Vera Zhelikhovsky (en) ![]() ![]() | ||||
Profesio | |||||
Okupo | filozofo okultisto redaktisto ĵurnalisto verkisto teozofo ![]() | ||||
Verkado | |||||
Verkoj | La Sekreta Doktrino vd | ||||
| |||||
| |||||
vd | Fonto: Vikidatumoj | ||||
Biografio
redaktiBlavatskij naskiĝis en la Rusa Imperio en nobela familio. Kiam ŝi havis 17 jarojn, ŝi edziniĝis kun grava, sed multe pli maljuna viro, Nikifor Blavatsky – nur por iĝi sendependa de sia familio. Ŝi fakte ne loĝis kun li. Malgraŭ ŝia deziro de sendependeco ŝia patro financis multajn el ŝiaj vojaĝoj – kaj ŝi vojaĝis multe, precipe pro spirita serĉado. Inter 1849 kaj 1973 Blavatskij vojaĝis jenen:
- 1849-1850 – Turkio, Grekio, Egiptio, Francio;
- 1851 – Unuiĝinta Reĝlando (Londono);
- 1852 – Kanado, Usono, Meksiko, Okcidentaj Indioj, Cejlono, Hindio;
- 1853 – Ŝi provis eniri Tibeton, sed ne sukcesis; Javo, Unuiĝinta Reĝlando (Anglio);
- 1854 – Usono (kie ŝi transpasis la Rokan Montaron);
- 1855-1857 – Japanio, Hindio (kie ŝi vojaĝis multe), Kaŝmiro, Ladako, Tibeto kaj Birmo;
- 1858 – Francio, Germanio, Rusio;
- 1858-1865 – Restado kaj vojaĝoj en la Rusa Imperio, vojaĝoj kun indiĝenaj triboj en Kaŭkazio;
- 1866-1867 – Balkana duoninsulo, Egiptio, Sirio, Italio;
- 1868 – Hindio kaj Tibeto;
- 1870 – Grekio;
- 1871-1872 – Egiptio, Sirio, Palestino, Libano;
- 1873 – Francio, Usono (Novjorko).
Teozofia Societo
redaktiEn 1875 ŝi fondis en Novjorko kune kun interalie kolonelo Henry Steel Olcott la Teozofian Societon (angle Theosophical Society). Tri jarojn poste ambaŭ forveturis al Hindio, kie ili establis la sidejon de la Teozofia Societo, unue en Bombajo kaj poste en Adyar, kvartalo de Madraso. En 1880 ili vojaĝis tra Cejlono, kie ambaŭ formale iĝis budhistoj. En 1884 ŝi iris al Francio, Germanio kaj Londono kaj reiris al Hindio. La sekvan jaron ŝi forlasis Hindion definitive kaj sin establis en Germanio, kie ŝi komencis skribi sian ĉefan verkon, La Sekreta Doktrino. En 1886 ŝi transloĝiĝis al Belgio, kaj de 1887 ĝis sia morto ŝi loĝis en Londono.
Siajn precipajn verkojn ŝi skribis en la angla lingvo. Blavatskij kaj ŝiaj verkoj influis la kreadon de rusa komponisto-pianisto Aleksandr Skrjabin kaj la ideojn kaj verkojn de multaj aliaj homoj. Estas ŝi, kiu portis la orientajn filozofion kaj religion en la okcidentan mondon.
Verkoj
redaktiLiteraturo
redaktiSylvia Cranston. (1993) H.P.B.: The Extraordinary Life & Influence of Helena Blavatsky Founder of the Modern Theosophical Movement. Novjorko: TarcherPerigee. ISBN 0874776880.
Eksteraj ligiloj
redakti- "Sekreta instruo" de Helena Blavatskij en germana traduko komplete en la reto: volumo I (PDF, 3,6 Mb)[rompita ligilo] kaj volumo II (PDF, 4,8 Mb)[rompita ligilo]
- retejo "Sekreta instruo" (germanlingva)
- arkivo de la Studa Centro Blavatskij (anglalingva, kun fotogalerio)
- retejo "Blavatsky Net" (same anglalingva)
- Liberpensuloj