Flaŭra regno

Flaŭra regno (aŭ fitoĥorio aŭ plantara regno), en fitogeografio, estas geografia areo kun relative unuforma konsisto de plantaj specioj. Najbaraj flaŭraj regnoj kutime ne havas tranĉan limon, sed ekzistas transira areo en kiu multaj specioj de ambaŭ unuoj parte interkovriĝas. La zono de interkovriĝo estas nomata vegetaĵar-streĉiĝa zono.

Flaŭraj regnoj

Klarigo

Pluraj sistemoj de klasifiko de geografiaj areoj kie plantoj vegetas, estis ellaboritaj. Plejmulto el la sistemoj estas hierarkie organizitaj, kun la plej grandaj unuoj subdividitaj en pli malgrandajn geografiajn areojn, kiuj ampleksas pli malgrandajn plantarajn komunumojn, kaj tiel plu. Flaŭraj regnoj estas difinitaj kiel areoj kiuj entenas grandan nombron de endemiaj taksonoj. Plantaraj regnoj estas karakterizitaj de alta grado de familia endemiismo, flaŭraj regionoj de alta grado de genra endemiismo, kaj flaŭraj provincoj de alta grado de specia endemiismo.

Sistemoj de flaŭraj regnoj havas kaj signifajn similecojn kaj signifajn diferencojn kun zoogeografiaj provincoj, kiuj baziĝas sur la konsisto de mamulaj familioj kaj kun biogeografiaj regnoj aŭ ekozonoj, kiuj konsideras kaj plantajn kaj bestajn speciojn.

La termino fitoĥorio estas speciale ligita al klasifikoj laŭ la metodologio de Josias Braun-Blanquet, kiu baziĝas sur la ĉeesto aŭ la malĉeesto de apartaj specioj.

Taksonomiaj datumbazoj emas esti organizataj tiele ke ili aproksimas flaŭrajn provincojn, sed kiuj oni adaptas al landlimoj.

Flaŭraj regnoj

La botanikisto Ronald Good identigis ses flaŭrajn regnojn, la plej grandajn naturajn unuojn kiuj li determinis por angiospermoj. Tiuj regnoj estas subdividitaj en pli malgrandajn areojn, kiuj oni nomas provincoj. La paleotropika regno estas subdividita en tri subregnojn, kiuj ĉiuj estas partigitaj en flaŭrajn provincojn. Ĉiu el la kvin aliaj regnoj estas senpere subdividitaj en provincojn. Estas totalo de tridek sep flaŭraj regionoj. Preskaŭ ĉiuj regionoj estas plie subdividitaj en flaŭrajn provincojn.

Armen Takhtajan , en larĝe uzata tipologio kiu baziĝas sur la laboro de Good, identigis tridek kvin flaŭrajn regionojn, ĉiu el kiuj estas subdividitaj en flaŭrajn provincojn, de kiuj oni havas totalon de 152.

• Holarktis aŭ Holarktisa Regno – kompleta ne-tropika norda duonglobo : apiacoj, betulacoj, fagacoj, ranunkulacoj, rozacoj; acero, karekso, pino. (Vidu ankaŭ: Holarktiso)
• Palaeotropis aŭ Paleotropisa Regno – Tropikoj de la Malnova Mondo : Afriko sude de Saharo ( sen la plej suda pinto ), Hindujo, ( Oceanio ). Didiereaceae, Dipterocarpaceae, Nepenthaceae, Pandanaceae; Aloe, Nypa.
• Neotropis aŭ Neotropisa Regno – Tropikoj de la Nova Mondo : Sudameriko (sen la plej suda pinto) kaj Centrameriko. Bromeliaceae, Cactaceae, Cannaceae, Cyclanthaceae, Malpighiaceae; Agave, Anthurium, Fuchsia, Passiflora. (Vidu ankaŭ: Neotropiso)
• Australis aŭ Aŭstralisa Regno – Aŭstralio, Brunoniaceae, Casuarinaceae, Epacridaceae, Goodeniaceae, Myopraceae, Stylidiaceae, Xanthorrhoeaceae; Acacia, Banksia, Eucalyptus. (Vidu ankaŭ: Aŭstralazia ekozono)
• Antarktis aŭ Antarkta Regno – Antarkto, subantarktaj insuloj kiel ekzemple Kergelenoj, suda pinto de Sudameriko, sudokcidento de Novzelando. Acaena, Azorella, Nothofagus.
• Capensis aŭ Kablanda Regno – entenas Kablandon en Sudokcidenta Afriko. Malĉeesto de arekacoj !, Aizoaceae, Bruniaceae; Erica, Freesia, Pelargonium, Protea

Oni kelkfoje konsideras sepan flaŭran regnon : la Oceanian Regnon, kiu ampleksas oceanajn insulojn kiuj estas malproksimaj de kontinentoj, precipe en Pacifika Oceano. Laŭ multaj aŭtoroj tiu ĉi flaŭra regno apartenas al Palaeotropis.

Flaŭraj provincoj laŭ Takhtajan

Holarktisa Regno

Flaŭraj regionoj en Eŭropo

I. Ĉirkaŭboreala Regiono

1 Arkta Plantaro

2 Atlantika Eŭropo

3 Centra Eŭropo

4 Ilirio

5 Ponto Eŭksino

6 Kaŭkazio

7 Orienta Eŭropo

8 Norda Eŭropo

9 Okcidenta Siberio

10 Altajo-Sayan

11 Centra Siberio

12 Transbajkalo

13 Nordokcidenta Siberio

14 Oĥotsko-Kamĉatko

15 Kanado inkl. Grandaj Lagoj

II. Orientazia Regiono

16 Manĉurio

17 Saĥalino-Hokajdo

18 Japanujo-Koreo

19 Ogasaŭaroj-Kazanretoj

20 Rjukju-insularo

21 Tajvano

22 Norda Ĉinujo

23 Centra Ĉinujo

24 Sudorienta Ĉinujo

25 Sikang-Yuennan

26 Norda Birmo

27 Orienta Himalajo

28 Meghalajo-Manipuro

III. Atlantik-nordamerika Regiono

29 Apalaĉujo (arbarkovrataj areoj etendiĝante oriente por inkluzivi Piedmont kaj okcidente ĝis la komenco de la prerio )

30 Ebenaĵoj de Atlantiko kaj Golfo.

31 Nordamerikaj prerioj

IV. Rokmontara Regiono

32 Vankuvero

33 Rokmontaro

V. Makaronezia Regiono

34 Acoroj

35 Madejro

36 Kanarioj

37 Kabo-Verdo

VI. Mediteranea Regiono

38 Suda Maroko

39 Sudokcident-mediteranea provinco

40 Sud-mediteranea provinco

41 Iberia provinco

42 Balearoj

43 Ligur-Tirena provinco

44 Adriatika provinco

45 Orient-mediteranea provinco

46 Krimea submediteranea arbarmasivo

VII. Sahara-Araba Regiono

47 Saharo

48 Egipt-Araba provinco

VIII. Irana-Turania Regiono

49 Mezopotamio

50 Centra Anatolio

51 Armenio-Irano

52 Hirkanio

53 Aralo-Kaspio

54 Turkestano

55 Norda Baluĉistano

56 Okcidenta Himalajo

57 Centra Tjanŝano

58 Ĝungarujo-Tjanŝano

59 Mongolujo

60 Tibeto

IX. Madrea Regiono

61 Granda Baseno

62 Kalifornia plantara provinco

63 Sonora-Dezerto

64 Madreaj pinaroj-kverkaroj

Paleotropisa Regno

X. Gvineo-Konga Regiono

65 Supra-Gvineaj arbaroj

66 Niĝerio-Kameruno

67 Kongo

XI. Usambaro-Zululanda Regiono

68 Orientafrikaj marbordaj arbaroj

69 Maputalandaj-pondolandaj arbustaroj kaj veprejoj

XII. Sudano-Zambezia Regiono

70 Zambeza flaŭro provinco

71 Sahelo

72 Sudano

73 Somalio-Etiopujo

74 Sud-Arabujo

75 Sokotraj kserofitaroj

76 Omano

77 Suda Irano

78 Sindujo

XIII. Karuo-Namibia Regiono

79 Namibio

80 Namalando

81 Okcidenta Kablando

82 Karuo

XV. Madagaskara Regiono

88 Maskarenoj

89 Sejŝeloj

XVI. Hinda Regiono

90 Srilanko

92 Dekkano

94 Bengalo

XVII. Hindoĉina Regiono

98 Tajujo

XVIII. Malesia Regiono

102 Malaja Duoninsulo

103 Borneo

104 Filipinaj humidaj arbaroj

105 Sumatra

107 Sulaveso

110 Bismarkoj

XIX. Fiĝia Regiono

111 Vanuatuaj pluvarbaroj

112 Fiĝio

XX. Polinezia Regiono

113 Mikronezio

114 Polinezio

XXI. Havaja Regiono

115 Havajo

XXII. Novkaledonia Regiono

116 Novkaledonio

Neotropisa Regno

XXIII. Kariba Regiono

117 Centrameriko

XXIV. Altaĵ-gujana Regiono

120 Gujano

XXV. Amazonia Regiono

121 Amazonio

122 Llanos

XXVI. Brazila Regiono

123 Kaatingo

125 Chaco

XXVII. Regiono de Andoj

128 Nordaj Andoj

129 Centraj Andoj

Kablanda Regno

XXVIII. Kablanda Regiono

130 Kablanda plantara provinco

Aŭstralisa Regno

XXIX. Nordorient-Aŭstralisa Regiono

131 Norda Aŭstralio

132 Kvinslando

133 Sudorienta Australio

134 Tasmanio

Antarkta Regno

XXXIII. Ĉilia-Patagona Regiono

138 Norda Ĉilio

139 Centra Ĉilio

140 Pampoj

141 Patagonujo

142 Fajrolando

XXXIV. Regiono de la Sudaj Subantarktaj Insuloj

144 Kergelenoj

XXXV. Novzelanda Regiono

152 Novzelandaj subantarktaj insuloj

Bibliografio

• angle Good, Ronald, 1947 : The Geography of Flowering Plants. Longmans, Green and C°, New York.
• angle Takhtajan, Armen, 1986 : Floristic Regions of the World. (translated by T.J. Crovello & A. Cronquist). University of California Press, Berkeley.