Unuahelpa kesto

Unuahelpa kesto aŭ sukurkesto (ekzistas ankaŭ varianto sukurujo) estas aro de iloj, kuraciloj kaj protektiloj uzataj por unua helpo.

Granda kaj eta sukurkestoj uzataj de la Brita Ruĝa Kruco

Aspekto

Memfaritaj unuahelpaj kestoj povas aspekti iel ajn (sufiĉas kolekti ilojn kaj kuracilojn kaj meti ilin en ajnan sakon), sed industrie produktitaj por lernejoj, oficejoj, sekurservoj ktp. kaj aĉeteblaj unuahelpaj kestoj kutime surhavas krucforman signon por esti pli facile rekoneblaj.

Enhavo

Standarda sukurkesto povas interalie enhavi:

• Risortan pinĉilon,
• Injektilon,
• Tondilon,
• Flamigilon,
• Desinfektilon,
• Termometron,
• Poŝlampon,
• Medicinajn gantojn,
• Aspirinon,
• Epinefrinon,
• Paracetamolon,
• Kodeinon, ktp.

Aliaj uzoj

En situacioj de survivo la enhavo de unauhelpa kesto uzeblas ankaŭ por aliaj celoj: alkoholo, kuraciloj baze de petrolo kaj flamigilo - por fari fajron, bandaĝoj - por riparado, ŝmiraĵoj - por funkciigi maŝinojn kaj tiel plu.