Salter-anaso
La Salter-anaso, ankaŭ konata kiel la kapjesanta anaso aŭ sub ĝia oficiala nomo la Edinburga anaso, estas aparato, kiu konvertas ondan energion en elektron. La onduma efiko stimulas rotacion de la giroskopoj situantaj ene de piroforma "anaso", kaj elektra generatoro konvertas tiun rotacion en elektron kun totala efikeco de ĝis 90%. La Salter-anaso estis inventita fare de Stephen Salter kiel respondo al la naftomanko en la 1970-aj jaroj kaj estis unu el la plej fruaj generatoraj dezajnoj proponitaj al la Ondoenergia programo en Grand-Britio. La financado de la projekto estis ĉesigita en la fruaj 1980-aj jaroj, post kiam naftoprovizoj abundis kaj la UK-registaro moviĝis foren de la alternativaj energifontoj. Ĝis majo de 2018 neniuj ondo-energiaj aparatoj iris en grandskalan produktadon.
