Scundarōla
C'l artìcol chè 'l è scrit in
Carpśàn |
![](http://upload.wikimedia.org/wikipedia/commons/thumb/7/79/Gizl%C9%99nqa%C3%A7.jpg/480px-Gizl%C9%99nqa%C3%A7.jpg)
![](http://upload.wikimedia.org/wikipedia/commons/thumb/d/d9/Jan_Verhas_-_%C3%80_cache-cache.jpg/290px-Jan_Verhas_-_%C3%80_cache-cache.jpg)
La scundarōla 'l è 'n śōg ch'a gh'piêś fèr ai putèin quand i gh'àn soquànt post in dû 'ndèr a lughèr-es.
El règhli egl'ìn mìa cumplichèdi, tant che a scundarōla i gh'śóghen anca i putèin dimòndi cìc: un ragasōl a bśògna ch'al còunta atâc a la "pòma" o "tana" per soquànt poc tèimp, dgènd di nùmer o anca na filastróca, mèinter che i só amîg i van a lughèr-es in di post più misteriōś (mo anca dedrē a na scrâna, a và bèin 'l istès): al tèimp ed catèr-i e ciamèr-i a la tana, al dēv èser più curt ch'i n'gh'la chèven prìma lōr ed rìvèr a fer pòma; altrimèinti i vìnsen chi èter e a tè at tòca sèimper 'd stèr lè a cuntèr.
Manéri 'd dìr
(EGL) "Chi è dàint'r è dàinter, chi è fóra è fóra"[1]: a s dîś prìma 'd partìr a serchèr i ragasō lughê.
Vóś lighèdi
Colegamèint estèren
- (IT) D'indû a deśvìn al só nòm in sìm'a etimo.it.
- (IT) La vóś in sìm'a la Treccani.