Milf

C'l artìcul chè 'l è scrit in Miranduléś

La Milf (a s lèś /mɪlf/ in Ingléś) l'è na dóna madùra, da trénta-sinc a sinquànt' an, in gènar anc màdar, ch'in dal gèrg americàṅ e britànic l'è 'l sógn sesuàł di masć śōvan. La paròla l'è 'l acrònim ad “Mother I’d Like to Fuck” (literalmènt “Màdar ch’A Gusarév Luntéra” in emigliàn, dònca MAGL /maλ/, o anc “Màdar Bòna Da Gusàr”)^[1]^[2] e l'è stada druàda par la prima vòlta a 'l inìsi di an Nuànta in soquànt newsgroup dla réda Internet^[3].

La prima Milf ante litteram dal mónd dal cìnema l'è stada, a s pōl dar, l'Anne Bancroft in dal film Il laureato^[4] ma l'è cun la Jennifer Coolidge dal film American Pie dal 1999, batśàda cuma Milf da òṅ di prutagunìsta, ch'la paròla la ciàpa pē in tut al mónd^[5]. Atri Milf famóśi dal mónd dal cìnema i èṅ la Diane Lane in Unfaithful - L'amore infedele, la Jenny McCarthy in Il mio ragazzo è un bastardo, la Marisa Tomei in The Wrestler e la Demi Moore in Striptease.

Quànd però na „Milf“ la taca a 'ndàr tròp in là c'n i an, a n s pōl piò ciamàr-l'incóra acsè ma piutòst Gilf, in du la G la stà par “Granny”, la “nunóna”^[6].