Mèrch
C'l artìcul chè 'l è scrit in Bulgnaiṡ | ![]() |
Artéccol in dialàtt bulgnaiṡ
Äl Mèrc (in itagliàn: Regione Marche) én na regiån dl'Itâglia centrèl cun 1,4 miglión d abitànt. La sô capitèl l'é Ancåṅna. Äl cunféṅnen cun l'Emégglia-Rumâgna, la Tuschèna, l'Ónbria, l Abrózz, al Lâzi es al Mèr Adriâtic.
![](http://upload.wikimedia.org/wikipedia/commons/thumb/d/db/Marche_Provinces.png/280px-Marche_Provinces.png)
Äl pruvénzi
- Pruvénzia ed Pêṡer e Urbén (PU)
- Pruvénzia d Ancåṅna (AN)
- Pruvénzia ed Mazerè (MC)
- Pruvénzia ed Fairum (FM)
- Pruvénzia d Âscuel (AP)
Geografî
Äl Mèrc, regiån dal zänter dl'Itâglia aj s câten a mèża vî dla côsta adriàtica. La côsta l'é fâta ed dimónndi ed spiâż ed rèna. Al Månt Cònero l é al pió èlt. An i è brîṡa di mónt èlt int i Apenén. Int la cadäṅna di Mónt Sibillini, int la pruvénzia d Âscuel, ai é al Månt Vettore (2.478 m). Di èter mónt impurtànt par la regiån én: Månt Nironi (1.526 m), Månt Càtria (1.702 m), Månt Pennino (1.570 m), Månt Rotondo (2.103 m), Månt Fema (1.575 m), Månt Priore (2.334 m), Månt Bove (2.143 m), Månt Sibilla (2.175 m), Månt Valdilonga (2.221 m), Månt Porco (2.335 m), Månt Argentella (2.201 m). Al clémma l é bån. Estè chèldi, mo frasschi pr al mèr, invêren cun däl piôv regolèri. Int l intéren invézi ai é di estè frasschi e invêren cån grândi pusibilitè ch'al naiva.
Economî
L'economî däl Mèrc l'é såura tótt cunpòsta d indósstri céṅni sparpajè in tótt al teritòri. Ai é däli indósstri ed schèrp, mòbil e mecânica, dal vén e dla costruziån däl nèv.