Louisville
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/f/f0/The_Kentucky_Center_for_the_Performing_Arts.jpg/240px-The_Kentucky_Center_for_the_Performing_Arts.jpg)
Louisville (a s lèś /ˈluː.əvəl/ o /ˈlʊvəl/ o /ˈluː.ivɪl/ in ingléś) l'è na sità di Stat Unî ad setsènt-ssantamìla abitànt a 'l incìrca, la più granda dal stat dal Kentucky e la 30śma dal paéś. La s cata in dla cuntèa ad Jefferson, a 'l cunfîṅ cun 'l Indiàna, e l'è stada fundàda in dal 1778 in unōr dal rè ad Frància Gigét XVI ad Burbòṅ.
In sità a và fòrt l'indùstria dal tabàc, dal burbòṅ e di traspòrt in nâṿ esénd che par Louisville a gh pasa 'l fiùm Ohio. A difarènsa dal stat dal Kentucky in generàł, in dua stand a i dat dal censimènt dal 2000 i biànc i rìvav'n a 'l 90,1% e i nég'r a 'l 7,3%, in sità la gint ad culōr l'è 'n tèrs dla sò pupulasiòṅ.
Al sò sìndig, da 'l 2011, 'l è 'l demucràtic Greg Fischer.
Persunàǵ nâ a Louisville
![](http://upload.wikimedia.org/wikipedia/commons/thumb/9/95/Louisville_skyline_panorama.jpg/700px-Louisville_skyline_panorama.jpg)
- Sean Young, atōra
- Jennifer Carpenter, atōra
- Jennifer Lawrence, atōra
- Gus Van Sant, regìsta
- Muhammad Ali, pùgil
- Joan Osborne, cantànta