Diabolique
|
C'l artìcul chè 'l è scrit in
Miranduléś |
 Diabolique
| ||
| Diabolique | ||
 La Sharon Stone e l'Adjani in na figùra dal film | ||
| Diabòlic 1996 | ||
|---|---|---|
| Regìa: Jeremiah S. Chechick | ||
| Scritōr: Pierre Boileau • Thomas Narcejac Henri-Georges Clouzot • Don Roos | ||
| Atōr: Sharon Stone • Isabelle Adjani • Kathy Bates Chazz Palminteri • Spalding Gray • Shirley Knight Allen Garfield • Adam Hann-Byrd • Donal Logue Diana Bellamy • Clea Lewis • Bingo O'Malley | ||
| Müsica: Randy Edelman | ||
| Léngua: Ingléś • Spagnōl | ||
| Dürä dal film: 107 minüt | ||
| Nasiōṅ: Stat Unî | ||
Diabolique (Diabòlic) 'l è 'n film thriller americàṅ dal 1996 ad Jeremiah S. Chechick, arfacimènt dna pelìcula francéśa dal 1955 ad Henri-Georges Clouzot, I Diabolici, trata da 'l rumànś “Celle qui n'était plus” (Quél ch'a n gh'éra piò, distribuî in Itâglia cuma I Diabolici) ad Pierre Boileau e Thomas Narcejac.
'L è stâ girâ in Pennsylvania, a Pittsburgh e in soquànt pòst lè darènt. Custâ quarànta-sinc migliòṅ ad dòlar, al 'n à fat sù sōl darsèt.
Sunt
La Mia (Isabelle Adjani), na ex sōra malàda 'd cōr, dòp avér ereditâ un culéǵ par masć in Pennsylvania, la 'l pòrta avànti insém a sò marè Guy Baran (Chazz Palminteri). Chi lò però al la tîṅ schisa e léva da spés al maṅ sèg, inólt'r al gh fà anc i còran cun l'insgnànta 'd matemàtica, la Nicole Horner (Sharon Stone). Al dū dóni però i dvènt'n amìghi e la mistra la gh śibìs un piàṅ par cupàr-al p'r èsar libri tuti e dū.
Durànt un lung fiṅ ad stmana, quànd al culéǵ al sarà sarâ dal tut, al dū dóni i andaràṅ in dla sò cà ad Pittsburgh, faghénd-as védar da i vśèṅ ad cà par far-as 'n àlibi, e pò i faràṅ rivàr lè anc Guy p'r andgàr-'l in dla vasca da bagn. Na vòlta mòrt, al còrp al sarà fat catàr in dla pisìna dla scóla ch'la s cata dimóndi luntàṅ, dònca tut i pinsaràṅ a na daśgràsia. 'L óm al vèṅ cupâ dabòṅ e pò butâ in dla pisìna ma la Nicole la pèrd là i sò uciài da sōl.
Al dè dòp però al sò cadàvar 'l è sparî e la Mia la cata 'l giachét e i vistî ad sò marè, ch'al gh'iva quànd 'l è stâ masâ, tut stirâ e pulî in dla sò cambra e dal foto ad lē e dla Nicole in dal méntar ch'i al purtàvan via. Par pôc la dóna la gh armàgn séca.