Cichlasoma salvini
Aspetto
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/2/2a/Salvini4a.jpg/310px-Salvini4a.jpg)
Al Cichlasoma salvini 'l è 'n pés 'd àqua dōlsa dla famìja Cichlidae. Al s cata in Mèsic, in Guatemàla e in di fiùm d'l Amèrica Sentràla. 'L è śal cun dal righi négri e 'l pōl rivàr a èsar lung 22 cm.
La fémna l'è più pìcula cun la pansa rósa. Al sò pini i èṅ più curti e minga culuràdi in cunfrònt a 'l masć ch'al gh i à blù. A gh'è da dir ch'al masć dal pés C. Salvini al n è minga tant gustóś, 'l è 'n taca-brighi e 'l pōl anc dar dal bòti a 'l fémni ch'i èṅ custréti a lugàr-as.
Cal pés chè al magna da tut mo dal vòlti a gh'è da dar-ag listés dal magnàr viṿ. I sò óṿ i vìnan mis su di giaròṅ piàt o sinò a 'l intèran dal sfési dal maśàgni.