Volkswagen
![]() | |
![]() | |
Math | cynhyrchydd cerbydau |
---|---|
Math o fusnes | Aktiengesellschaft |
Diwydiant | diwydiant ceir |
Sefydlwyd | 28 Mai 1937 |
Pencadlys | Wolfsburg |
Pobl allweddol | (Prif Weithredwr) |
Cynnyrch | Volkswagen Golf |
Refeniw | 279,232,000,000 Ewro (2022) |
Incwm gweithredol | 22,124,000,000 Ewro (2022) |
Rhiant-gwmni | Volkswagen AG |
Gwefan | https://www.vw.com/, https://www.volkswagen.de/, https://www.volkswagen.com/, https://www.volkswagen.ru/, https://www.volkswagen.co.uk/ ![]() |
Gwneuthurwr ceir o'r Almaen yw Volkswagen, (VW; ynganiad Almaeneg: [ˈfɔlks.vaːɡən]) sydd a'i bencadlys yn Wolfsburg, Yr Almaen ac a sefydlwyd yn 1937. Volkswagen yw cwmni craidd Grŵp Volkswagen (a sefydlwyd yn 1975) ac a oedd yn Awst 2015 yr ail gwneuthurwr ceir mwyaf yn y byd, ar ôl Toyota.[1] Yn 2012 roedd proffid y cwmni'n €21.7 biliwn. Ymhlith y ceir a werthir gan Grŵp Volkswagen mae: Audi, Bentley, Bugatti, Lamborghini, Porsche, SEAT, Škoda yn ogystal â'u brand (VW) eu hunain.
Mae'r enw'n golygu "car y bobl" mewn Almaeneg, hen arwyddair y cwmni oedd "Aus Liebe zum Automobil" sef cyfieithiad o: "am gariad tuag at y car", slogan newydd y cwmni ydy "Volkswagen - Das Auto" sef "Volkswagen - y Car".
Yn Awst 2015 roedd gan VW dri char yn y rhestr 10-gorau'r byd erioed, yn ôl y wefan 24/7 Wall St. sef: Golf, Volkswagen Beetle, a'r Volkswagen Passat.
Hanes a cheir
[golygu | golygu cod]Hyd at 1937 roedd ceir y byd yn eitemau drud iawn a dim ond y cyfoethog oedd yn medru eu fforddio; un Almaenwr o bob 50 oedd yn medru fforddio car. Newidiodd hyn pan awgrymodd Hitler y dylid creu ceir fforddiadwy, a datblywgyd y Volkswagen Käfer (neu'r 'chwilen') gan Erwin Komenda, un o weithwyr Porche. Yn 2015 roedd y Chwilen yn dal i gael ei werthu gan y cwmni. Cychwynwyd eu cynhyrchu yn 1938 yn Wolfsburg, ond ataliwyd y gwaith pan ddaeth yr Ail Ryfel Byd. Ar ddiwedd y rhyfel, dan arweiniad un o swyddogion y fyddin Brydeinig, Ivan Hirst, cynhyrchwyd 20,000 Chwilen i bersonel y fyddin. Erbyn 1946, roedd y ffatri'n cynhyrchu 1,000 o geir y mis. Newidiwyd enw'r car i "Volkswagen" ac enw'r dref i "Wolfsburg".
Cynigwyd trosglwyddo'r cwmni am ddim i gynhyrchwyr ceir Americanaidd (Ford) a Phrydeinig (Rootes) ond troi eu trwyn wnaethant gan ddweud fod y Chwilen yn gar hyll. Cymerwyd y ffatri drosodd gan Lywodraeth yr Almaen dan reolaeth Heinrich Nordhoff un o weithwyr Opel. Aethpwyd ati i ddylunio cerbyd mwy a adnabyddwyd yn swyddogol fel y 'Transporter', 'Kombi' neu 'Microbus'; yng ngwledydd Prydain, galwyd ef yn 'Camper' a daeth y cyntaf allan o'r ffatri yn 1950.
Twyll allyriad tocsig ceir diesel
[golygu | golygu cod]Ym Medi 2015 ymddiheurodd Martin Winterkor, Cadeirydd Volkswagen am dwyll gan y cwmni a oedd yn effeithio dros 11 miliwn o'u ceir.[2] Daeth y cyhuddiad yn wreiddiol gan Asiantaeth Gwarchod yr Amgylchfyd Unol Daleithiau America ar 18 o Fedi, fod y cwmni wedi gosod meddalwedd o fewn yr Uned Reoli a oedd yn lleihau'r allyriad o NOx (mono-nitrogen ocsid NO a NO2) yn ystod profion dan reolaeth.[3] Ar deithiau arferol, roedd y ceir yn allyru hyd at 40 gwaith yn fwy nag a ganiateir gan ddeddfau UDA ac Ewrop.[4] Ar ddiwrnod cynta rhyddhau'r cyhuddiad hwn, dirywiodd bris cyfranddaliadau'r cmwni 20%.[5]
Yn ystod yr wythnosau dilynol profwyd ceir eraill a sylweddolwyd fod ceir sawl cwmni arall yn allyru nwyon tocsig i'r amgylchedd. Yn Leeds profodd Uned Astudiaethau Cludiant y Brifysgol bedwar car a gwelwyd fod allyriant y ceir hyn hefyd llawer uwch na chyfyngiad y Comisiwn Ewropeaidd. Mewn cymhariaeth, roedd car Golf VW sawl gwaith uwch na'r cyfyngiad hwn o 0.08 gram o NOx y cilometr (km).
Cwmni | Logo | NOx y cilometr (km) | Sawl gwaith dros y cyfyngiad Ewropeaidd? |
---|---|---|---|
Mercedes-Benz | ![]() |
0.42 | 5.3 gwaith mwy |
BMW | ![]() |
0.45 | 5.6 gwaith mwy |
Mazda | ![]() |
0.49 | 6.1 gwaith mwy |
Ford | ![]() |
0.54 | 6.8 gwaith mwy |
Ceir cyfredol Volkswagen
[golygu | golygu cod]Ewrop
[golygu | golygu cod]- Volkswagen Caddy
- Volkswagen Eos
- Volkswagen Fox
- Volkswagen Golf Mk6
- Volkswagen Golf Mk5
- Volkswagen Golf Mk5
- Volkswagen Jetta
- Volkswagen Multivan
- Volkswagen New Beetle
- Volkswagen New Beetle
- Volkswagen Passat]
- Volkswagen Passat CC
- Volkswagen Phaeton
- Volkswagen Polo
- Volkswagen Scirocco
- Volkswagen Sharan
- Volkswagen Touran
- Volkswagen Tiguan
- Volkswagen Touareg
- Volkswagen Routan
Cyfeiriadau
[golygu | golygu cod]- ↑ Murphy, Andrea. "2015 Global 2000: The World's Biggest Auto Companies". Forbes.com. Cyrchwyd 26 Awst 2015.
- ↑ http://www.wsj.com/articles/volkswagen-emissions-scandal-relates-to-11-million-cars-1442916906
- ↑ "Auto expert: 'A conscious breach of US law'". Deutsche Welle. 21 Medi 2015.
- ↑ Ewing, Jack (22 Medi 2015). "Volkswagen Says 11 Million Cars Worldwide Are Affected in Diesel Deception". New York Times.
- ↑ Ewing, Jack (21 Medi 2015), "Volkswagen Denied Deception to E.P.A. for Nearly a Year", New York Times, http://www.nytimes.com/2015/09/22/business/international/volkswagen-shares-recall.html?hp&action=click&pgtype=Homepage&module=first-column-region®ion=top-news&WT.nav=top-news