Robin Huw Bowen
![](http://upload.wikimedia.org/wikipedia/cy/thumb/0/07/RobinHuwBowen01CS.jpg/220px-RobinHuwBowen01CS.jpg)
Cerddor sy’n arbenigo mewn canu’r delyn deires yw Robin Huw Bowen. Ganed ef yn Lerpwl i deulu o Ynys Môn .
Dysgodd ganu’r Delyn Geltaidd yn yr ysgol dan ddylanwad Alan Stivell. Dechreuodd gymeryd diddordeb yn y Delyn deires trwy ddylanwad Dafydd a Gwyndaf Roberts o’r grŵp Ar Log, oedd wedi eu dysgu gan Nansi Richards. Ymunodd â grŵp Mabsant yn 1986 ac yn ddiweddarach a Cusan Tân. Ers 1998 mae wedi bod yn aelod o Crasdant. Yn 2004 ffurfiodd ef a phedwar telynor arall Rhes Ganol.
Bu’n gweithio yn Llyfrgell Genedlaethol Cymru yn Aberystwyth am flynyddoedd, a thra yno bu’n ymchwilio i hen gerddoriaeth telyn Gymreig. Cyhoeddwyd nifer o’r tonau hyn gan y Llyfrgell neu gan ei wasg ef ei hun, Gwasg Teires. Ymhlith ffynonellau eraill, cafodd wybodaeth gan y delynores Eldra Jarman, gor-wyres John Roberts ('Telynor Cymru'), cynrychiolydd olaf traddodiad y telynorion Sipsi Cymreig.
Dyfarnwyd Gwobr Glyndŵr iddo yn 2000 ac yn 2002 enillodd BAFTA (Cymru) am ei gerddoriaeth wreiddiol i'r ffilm Eldra.
Disgyddiaeth
[golygu | golygu cod]Teitl y gân | Clip sain | Blwyddyn cyhoeddi | Rhif Catalog |
---|---|---|---|
Pibddawns Gwyr Wrecsam Pibddawns Abertawe | 2004 | SAIN SCD 2397 | |
Cogau Meirion | 2007 | Sain SCD2526 | |
Helfar Draenog | 2007 | Sain SCD2526 | |
Hoff Jigiau | 2007 | Sain SCD2526 | |
Jig y Doethion | 2007 | Sain SCD2526 | |
Jigiau Crasdant | 2007 | Sain SCD2526 | |
Miniwets Meirionnydd | 2007 | Sain SCD2526 |
Cyhoeddiadau
[golygu | golygu cod]- Trwy'r Weiar - Through the Wire (1987) gyda Mabsant
- Telyn Berseiniol Fy Ngwlad - Sweet Harp of My Land (1991)
- Cusan Tân - Kiss of Fire (1992) gyda Cusan Tân
- Hela'r Draenog - Hunting the Hedgehog (1994)
- Cerddoriaeth Telyn Cymru - Harp Music Of Wales (1995)
- Esgair - The Ridge (1996) gyda Cusan Tân
- Hen Aelwyd - Old Hearth (1999)
- Crasdant (1999) gyda Crasdant
- Nos Sadwrn Bach - Not Yet Saturday (2001) gyda Crasdant
- Yn y Gwaed - In the Blood (2004) gyda Rhes Ganol
- Dwndwr - The Great Noise (2005) gyda Crasdant
- Y Ffordd i Aberystwyth - The Road to Aberystwyth (2007)
Dolenni allanol
[golygu | golygu cod]- Crasdant Archived 2007-12-24 at the Wayback Machine
- Y ffilm Eldra