Peblig

Peblig
Peblig
	Darlun posibl o Beblig yn Llyfr Oriau Llanbeblig
Ganwyd	380 ; Cymru
Bu farw	Caernarfon
Dinasyddiaeth	Cymru
Dydd gŵyl	3 Gorffennaf
Tad	Macsen Wledig
Mam	Santes Elen Luyddog

Sant cynnar oedd Peblig (Lladin, Publicius) (fl. diwedd y 4g - dechrau'r 5g OC). Yn ôl traddodiad roedd yn un o feibion yr ymerawdwr Rhufeinig Macsen Wledig ac Elen Luyddog ferch Eudaf.^[1]

Hanes a thraddodiad

Yn ôl traddodiad roedd Peblig yn frawd i Owain fab Macsen Wledig a Cystennin (Constantinus). Cyfeiria Nennius (9g) at fedd Cystennin yng "Nghaer Seint".^[2] Trosglwyddwyd y gistfaen i eglwys Llanbeblig ar orchymyn Edward I o Loegr yn 1283.

Cysegrir eglwys Llanbeblig, ger caer Rufeinig Segontium (Caernarfon) i Beblig. Mae hyn, ynghyd â'r ffaith fod ei enw yn Gymreigiad o'r enw personol Lladin Publicius, yn tueddu i gadarnhau'r cysylltiad Rhufeinig er na ellir profi ei fod yn fab i Elen a Macsen.

Dethlir gwylmabsant Peblig ar 3 Gorffennaf.

Cyfeiriadau

↑ T. D. Breverton, The Book of Welsh Saints (Cyhoeddiadau Glyn Dŵr, 2000).
↑ Arthur Morris (gol.), Nennius (Phillimore, 1980), pen. 25.

Gweler hefyd

Llyfr Oriau Llanbeblig

[1] T. D. Breverton, The Book of Welsh Saints (Cyhoeddiadau Glyn Dŵr, 2000).

[2] Arthur Morris (gol.), Nennius (Phillimore, 1980), pen. 25.

[1]

[2]