Otto Bayer
Otto Bayer | |
---|---|
![]() Otto Bayer yn arddangos ei ddyfais, Polywrethan, yn 1952 | |
Ganwyd | 4 Tachwedd 1902 ![]() Frankfurt am Main ![]() |
Bu farw | 1 Awst 1982 ![]() Burscheid ![]() |
Dinasyddiaeth | yr Almaen ![]() |
Alma mater | |
Galwedigaeth | cemegydd, peiriannydd ![]() |
Gwobr/au | Werner von Siemens Ring, Charles Goodyear Medal, Hermann Staudinger Prize, Adolf-von-Baeyer Gold Medal, Carl Duisberg Plaque ![]() |
Gwyddonydd o'r Almaen oedd Otto Bayer (4 Tachwedd 1902 – 1 Awst 1982)[1] Roedd yn gemegydd diwydiannol yng nghwmni enwog IG Farben. Ef oedd pennaeth y uned ymchwil a ddarganfyddodd y polyaddition yn 1937 ar gyfer synthesis polywrethannau allan o poly-isocyanate a polyol.[2]
Ganwyd Bayer yn Frankfurt. Derbyniodd ddoethuriaeth mewn Gemeg ym Mhrifysgol Frankfurt-am-Main yn 1924. O 1933 bu'n gweithio mewn amrywiol swyddogaethau rheoli mewn sefydliadau'r IG Farbenindustrie. Doedd dim perthynas thwng Dr Bayer a'r teulu a sefydlodd y Bayer Corp.
Roedd yn aelod o Fwrdd Cyfarwyddwyr cwmni Bayer a hefyd yn is-gadeirydd bwrdd goruchwiliol cwmni Cassella yn yr 1950au.
Polywrethan
[golygu | golygu cod]Otto Bayer oedd arweinydd yr Uned a ddyfeiriodd polywrethan. Mae polywrethanau bellach yn hollbresennol ym mhob rhan o fywyd beunyddiol er enghraifft, o rhannau o'r car i rhewgell i adeiladwaith tŷ, gwisg gofodwr i gondom.
Wedi datblygu polywrethan, nododd ei gydweithwyr yn goeglyd yn 1941 am y ddyfais newydd , "Polywrethan - ar ei orau, defnydd at greu ffug gaws Emmental".[3]
Gwobrau
[golygu | golygu cod]- 1960 - Werner-von-Siemens Ring (Modrwy Werner von Siemens) sef un o worbau uchaf yn yr Almaen am waith yn y gwyddorau naturiol, am ei waith ym maes synthesis polymerau technegol ac ar gyfer datblygu deunyddiau technegol newydd (polyurethaniaid). Derbyniodd y wobr ynghyd â Walter Reppe a Karl Ziegler.
- 1960 - Carl-Duisberg Plakette tystygrif Carl Duisberg a ddyfernir gan y Gesellschaft Deutscher Chemiker, Cymdeithas Cemegwyr yr Almaen.
- 1975 - Charles Goodyear Medal[4] Dyfernir y fedal yma gan yr American Chemical Society, Rubber Division. Sefydlwyd hi yn 1941 ac fe'i henwir ar ôl Charles Goodyear, darganfyddydd vulcanization.
Gwobr Otto Bayer
[golygu | golygu cod]Yn ei ewyllys, cymunroddodd Bayer i sefydlu'r Otto-Bayer-Preis, sydd ers 1984 yn dyfarnu gwobr i wyddonwyr gwledydd Almaeneg eu hiaith, am gyflawniadau ymchwil eithriadol ym meysydd cemeg a biocemeg. Dyfarnwyd y wobr yn flynyddol, ond, ers 1996 bob yn ail flwyddyn. Yn 2018 roedd y wobr gwerth €75,000.
Dolenni allanol
[golygu | golygu cod]- Gwobr Otto Bayer Archifwyd 2018-11-05 yn y Peiriant Wayback
- Otto Beyer yn y Deutsches Kunsthoff Museum Archifwyd 2016-10-24 yn y Peiriant Wayback
Cyfeiriadau
[golygu | golygu cod]- ↑ "Deutsches Kunststoff Museum: Otto Bayer". German Plastic Museum. Archifwyd o'r gwreiddiol ar 2016-10-24. Cyrchwyd 2016-02-16.
- ↑ Bayer, Otto (1947). "Das Di-Isocyanat-Polyadditionsverfahren (Polyurethane)". Angewandte Chemie 59: 257–272. doi:10.1002/ange.19470590901.; See also German Patent 728.981 (1937) I.G. Farben
- ↑ "copi archif". Archifwyd o'r gwreiddiol ar 2016-10-24. Cyrchwyd 2018-10-31.
- ↑ "Charles Goodyear Medalists" (PDF). American Chemical Society Rubber Division. Archifwyd o'r gwreiddiol (PDF) ar 2016-03-09. Cyrchwyd 2016-02-16. Unknown parameter
|dead-url=
ignored (help)